К. Абдуназаров, А. Зайнуддинов умумий ер

 
Савол ва топшириклар 
1.
Сувни қандай айланма ҳаракатларини биласиз? 
2.
Қандай сув ҳавзаларида сув жуда секин алмашади? 
3.
Қуруқликда сувни айланма ҳаракатини чизмасини тузинг. 
4.
Ўсимликлар барги орқали сувларнинг буғланиши нима деб аталади? 
5.
Қор чизиғи нима? 
6.
Океанларда оқимларни ҳосил қиладиган омиллар жадвалини тузинг ва ҳар 
бир омил ёнига у ҳосил қилган оқим турини номини ёзиб қўйинг. 
7.
Океанлардаги илиқ ва совуқ оқимлар жадвалини тузинг. 
8.
Атмосферага намлик қайси йўл билан келади? 
9.
Дивергенция ва конвергенция тушунчаларини изоҳлаб беринг. 
10.
Апвелинг зоналари қандай ҳосил бўлади? 
 
 
 
9 боб. Биологик ва биокимёвий ҳаракатлар. 
9.1 Мавжудотларнинг модда ва иссиқликнинг айланма ҳаракатидаги ўрни ва 
аҳамияти. 
 
Органик модданинг вужудга келиши ва уни парчаланиш жараёнида 
биосферадаги минерал моддалар, сув, ҳар хил газлар ва энергия ҳаракатга келади, 
бир жойдан иккинчи жойга кўчади. Миқдор нуқтаи назардан бундай ҳаракат унча 
катта эмас, лекин организмлар билан боғлиқ ҳолда модда ва энергияни жой 
алмашиши географик қобиқ учун ҳаддан ташқари муҳим ахамиятга эга, чунки бу 
жараён географик қобиšда қайтариб бўлмайдиган ўзгаришларни амалга оширади. 
Тирик организмларнинг фаолияти ҳамма геосфераларни тузилишига катта 
таъсир кўрсатди: атмосфера таркибидаги карбонат ангидридининг асосий қисми 
органик бирикмалар таркибига жалб этилади. Шу жараён таъсирида ер юзасида 
катта миқдорда кимёвий энергия тўпланди, атмосферада эркин кислород миқдори 
кўпайиб озон экрани вужудга келди, ҳосилдорлик ҳусусиятига эга бўлган, ўзига хос 
биокос тизим – тупроқ вужудга келди, ер пўстининг юқори қисмида организмлар 
қолдиғига бой чўкинди тоғ жинслари тўпланди.
Бир – бирига қарама – қарши бўлган органик модданинг вужудга келиши ва 
парчаланиш жараёни моддаларни айланма боилогик ўрин алмашишини вужудга 
келтиради. Агар бу ўрин алмашишга кимёвий элементларни (углерод, азот, 
кислород, водород, кальций, фосфор, темир ва ҳоказо) миграцияси сифатида 
қаралса, бундай ўрин алмашишни биокимевий ўрин амлашиш десак бўлади. 
 
Биологик ўрин алмашиш фотосинтез жараёни билан чамбарчас боғланган. 
Натижада энергияга бой кучли қайтарувчи хлорофилл органик бирикма ва кучли 
оксидлантирувчи элемент – кислород вужудга келади. Фотосинтез билан бир вақтда 
ўсимликларда қарама – қарши жараён – нафас олиш амалга ошади. Яхши 
ривожланаётган фитоценозларда фотосинтезда вужудга келган органик модданинг 
миқдори нафас олиш жараёнида парчаланаетган модданинг миқдорига нисбатан кўп 
бўлиши керак. Бу кўрсаткичлар орасидаги йиллик тафовут йиллик фотосинтез 
маҳсулоти ёки йиллик биомасса дейилади. 
Географик қобиқда модда ва энергиянинг биологик ўрин алмашишидан 
ташқари геологик ўрин алмашиш мавжуд бўлиб, у қуйидаги кўринишга эга. 

---

167 
гидросфера ва атмосферани вужудга келтирувчи осон ҳаракат қилувчи газлар ва 
табиат сувлари айланма ҳаракатда фаол иштирок этишлари ўз ўзидан кўриниб 
турибди. Қуруқликни вужудга келтирувчи элементлар эса секинроқ ҳаракат қилади.
Қуруқликни вужудга келтирган элементлар нураш ва денудация таъсирида ер 
юзасидан 80-100 млн йил ичида олиб кетилиши мумкин. 
Ҳозир қуруқликнинг ҳажми дунё океани хажмини 1/12 қисмини ташкил 
этади. Агар тектоник ҳаракатлар натижасида ер пўсти кўтарилиб турмаганда бир 
неча геологик давр мобайнида қуруқлик ҳажми кескин камайиб кетган бўлар эди. 
Тектоник кўтарилиш ва емирилиш нисбий мувозанатининг махсули дейиш мумкин. 
Умуман олганда ҳамма чўкинди тоғ жинслари биосферада тирик 
организмларнинг иштирокида вужудга келган, тектоник ҳаракатлар натижасида бу 
чўкинди тоғ жинслари метаморфик тоғ жинсларига, бир қисми эса магма таркибига 
кирган. Шуни ҳисобга олган ҳолда В.И. Вернадский ернинг гранит қобиђи қадимги 
биосфералар маҳсули деган ғояни илгари сурган. 
Ер юзидаги мавжудотларнинг иссиқликнинг айланма ҳаракатидаги ўрни ҳам 
жуда катта. Маълумки Қуёш энергияси биосферанинг иссиқлик баланси ва 
иссиклик келишининг асосий манбаи ҳисобланади. Бу ўринда Ерга Қуёш 
энергиясининг 5*10
-10
даражасидаги миқдори келишини назарда тутиш лозим. Бу 
микдор Қуёш радиациясининг умумий миқдорига нисбатан жуда кам бўлсада 
йилига 1,72*10
17
Вт ёки 5,42*10
24
Дж/йилга тенг. Келаётган Қуёш радиациясини 
22% га яқини булутлар, 8% га яқини атмосфера томонидан қайтарилади. 13% га 
яқин энергия озон қатламига, 7% га яқини эса атмосферага сингади. Шундай қилиб 
келаётган Қуёш радиациясининг ярмига яқини Ер юзасига етиб келади ва унинг 
иссиқлик мувозанатини белгилаб беради. 
Фотосинтез жараёнида иштирок этиши мумкин бўлган фотосинтетик фаол 
радиация (ФФР) кўк – бинафша (0,38-0,47 мкм) ва қизил – сариқ (0,58-0,71 мкм) 
нурлардан иборат бўлиб, умумий радиациянинг 50% га яқинини ташкил этади. Нам, 
доимо яшил тропик ўрмонларда ФФРнинг 5% га яқини, бутун Ер юзаси бўйича эса 
ФФРнинг 1% га яқини ўсимликлар томонидан фотосинтез жараёнида 
ўзлаштирилади ва йилига органик бирикмаларда 504*10
19
Дж энергия тўпланади. 
Бу энергия бутун жахон ишлаб чиқарилишига жалб этилган энергияга нисбатан 20 
баробар кўп. Юқорида келтирилган маълумотлардан Ер юзасида мавжудотларнинг 
модда ва иссиқликнинг айланма ҳаракатида фаол иштирок этишини кўриш мумкин.