К. Абдуназаров, А. Зайнуддинов умумий ер

4.4.2. Мавжудотларнинг (организмларнинг) хиллари ва 
вазифалари 
Сайёрамиздаги тирик модданинг элементар кимёвий тиркиби бир 
қатор кимёвий элементлар, асосан H, С, О, Р, N, S, каби элементлардан 
иборат, шунинг учун бу элементлар 
биофил 
элементлар дейилади. Бу 
элементларнинг атомлари тирик организмларда сув ва ҳар хил минерал 
тузлар билан биргаликда мураккаб молекулаларни вужудга келтиради. 
Бундай молекуляр тузилмалар углеводлар, липидлар, оқсиллар ва нуклеин 
кислоталардан иборат. 
Углеводлар – С, Н, О дан иборат органик модда бўлиб, умумий 
кимёвий таркиби C
n
H
2n
O
n
формуласи сифатидаги кœринишга эга. 
Углеводлар содда – моношакар ва мураккаб яримшакар шаклида бўлиши 
мумкин. Углеводлар ҳар хил шаклдаги ќужайраларнинг асосий энергия 
манбаи ҳисобланади. Улар ўсимликларда турђун тўқималарни вужудга 
келтиради ва организмлар учун захирадаги озуқа моддаси ҳисобланади. 
Углеводлар яшил ўсимликлардаги фотосинтез жараёнини бирламчи 
маҳсулидир.
Липидлар – улар мой ва мойсимон моддалар бўлиб, сувда ёмон 
эрийди, асосан Н ва С дан иборат. Ҳужайра деворчалари (мембраналар) 
липидлардан тузилган. Мой иссиқликни секин ўтказишлиги сабабли 
организмларда ҳимоя функциясини бажаради, зарур пайтда организмлар 
учун захирадаги озуқа сифтида хизмат килади. 
Оқсиллар – организдаги энг мураккаб кимёвий бирикмалар бўлиб, 20 
га яқин ҳар хил аминокислоталар йиғиндисидан иборат. Оқсиллар 
молекуласи мураккаб ва хажми катта, шунинг учун уларни 
макромалекулалар хам дейишади. Хохлаган аминокислотани молекуласи 
ўзига хос бўлган қисмдан ёки радикалдан (R) ва ҳамда аминокислоталарга 
хос бўлган аминогурухлар (NH
2
) ва карбоксил (СООН) гурухи қисмидан 
иборат. Оқсил молекулалари ўнлаб ёки юзлаб аминокислотали 
молекулалар занжиридан иборат. Тирик организмларда оқсилларни 
кўплиги кимёвий реакцияларни ўнлаб, юзлаб миллион маротаба 
тезлаштирувчи табиий катализатор – фермент ролини ўйнайди. Ҳозир 

---

125 
минглаб бундай ферментлар мавжуд. Уларнинг таркибига оқсилдан 
ташқари Ng, Fe, Mn ва бошқа метал атомлари хам киради. Нуклеин 
кислоталари – хужайралар ядросида жойлашган бўлиб кислоталаринг икки 
хили – дезоксирибонуклеин (ДНК) ва рибонуклеин ( РНК) кислоталаридан 
иборат. Организмларни ташқи муҳит билан алоқаси озиқланиш, нафас 
олиш ва элскремент ажратиш йўли билан амалга оширилади.
Озиқланишига қараб ҳамма организмлар автотроф ва гетеротроф 
организмларга ажратилади. Автотроф организмлар тўғридан – тўғри 
атрофдаги минерал моддаларни истеъмол қилиш хусусиятига эга бўлиб, 
унга асосан фотосинтез жараёнини амалга оширувчи ўсимликларнинг 
асосий қисми киради. Гетеротроф организмлар тайёр органик моддаларни 
истеъмол қилувчилар бўлиб унга микроорганизмларнинг кўп қисми ва 
хамма жониворлвр киради. Баъзан гетеротроф ва автотроф организмлар 
орасидаги чегарани ўтказиш қийин, чунки улардан баъзилари хам 
автотроф хам гетеротроф озиқланиш имкониятига эга. Бундай организмлар
миксотроф организмлар дейилиб, унга асосан сувдаги бир хужайрали 
организмлар киради. Улар сувнинг ёруғлик даражаси етарлича бўлса 
автотроф, сув қоронғи бўлганда сувда эриган органик моддаларни 
истеъмол қилади. 
Биосферада модданинг ўрин алмашиши озуқа занжири орқали бир – 
бири билан боғланган организмлар таъсирида амалга оширилади. Шунинг 
учун барча организмлар продуцент, консумент ва редуцентларга 
ажратилади. Продуцентлар биосферада яшовчи хамма организмларни 
органик модда билан таъминловчи яшил ўсимликлардан иборат бўлса, 
консументлар гетеротроф организмлардан иборат. Редуцентлар органик 
моддани парчаловчи организмлардан иборат бўлиб улар асосан 
бактериялар, замбуруғлар, содда организмлардан иборат. 
Биосферадаги организмларнинг кўпчилиги эркин кислород мавжуд 
муҳитда яшовчи аэроб организмлардан иборат. Қолган қисми кислородсиз 
муҳитда яшовчи организмлар бўлиб, улар асосан микроорганизмлардан 
иборат. 
Сайёрамиздаги