Жуўмақлаўшы бақлаў жумысының сораўлары Теорияны тестлеў ҳәм теорияны қурыўдың өзгешеликлери

Жуўмақлаўшы бақлаў жумысының сораўлары
1. Теорияны тестлеў ҳәм теорияны қурыўдың өзгешеликлери
Таяныш сөзлер: теория, фактлер, дедукция, индукция.
Теория сөзи грек тилинен алынған болып «карайман» дегенди аңлатады хәм 2 (тар хәм кең) мәниде колланылады. Теория төмендеги белгилерге ийе: -түсиндириўши-теорияның апиўайылығы-проблеманның шешилиўи-теорияның бийкарланыў мүмкиншилигине ийе болыўы-әхмийетлилиги теория әхмийетли қубылысларды түсиндириўи керек. Теорияны қурыў, изертлеўден бақлаўдан басланатуғын хәм бул бақлаўлар теорияны келтирип шығарыў мақсетинде индуктивлик анализ методын қолланатуғын процессти аңлатады. Теорияны тестлеу-керисинше бар теорияны колланыўдан басланады. Ол қандай бақлаўды жүргизиўди анықлаўда басшылық сыпатында қолланылады-пикирлеў улыўмалықтан жеккеликке қарай иске асырылады. Бақлаўлар теорияның шынлығын тексерилиўин тәмийнлеўи керек. Теория илимий билимлердиң системаластырыў формасы, объектив хақыйқатлықты сәўлелендириў усылы оның раўажланыў нызамларын болжаўшы хәм түсиндириўши усыл болып табылады.
2. Илимий изертлеў жумысының логикалық схемасы
Таяныш сөзлер: проблема, актуаллық, мақсет, ўазыйпа, жаңалық, метод, теориялық, практикалық әҳмийети.
Таңланған теманың тийкарында белгили илимий идеяның болыўы шәрт. Илимий изертлеўдиң барлық темаларының улыўма өзгешелиги ретинде, олардың комплексли характери алып қаралады. Таңланған теманың актуаллығы илимий билиўдин объективлик хақыйқатлықтың практикасының талапларын изертлеўдиң жаңа методларын хәм методикасын ислеп шығыў менен анықланады. Таңланған теманың актуаллығын дәлиллеўдиң логикалық жақтан алға қойған изертлеўдиң мақсетин формулировкалаўға бул мақсет пенен сәйкесликте шешиў керек болған конкрет ўазыйпаларды көрсетиўге өтиў дурыс болады. Илимий изертлеўдиң ең әҳмийетли басқышы ретинде изертлеў методларын таңлаў алып қаралады, олар фактлик материалды жыйнаўда инструмент хызметин атқарады. Илимий изертлеудиң барысының улыўма схемасы: -теманы таңлаў-таңланған теманың актуаллығы-изертлеўдиң мақсетин хәм конкрет мәселелерин койыў-изертлеў объектин хәм предметин анықлаў-изертлеўди жүргизиў методларын таңлаў-Изертлеў процессин сүўретлеў хәм сыпатлаў-изертлеў нәтийжелерин додалаў-жуўмақларды формулировкалаў хәм алынған нәтийжелерди баҳалаў.