Jo`rayeva A

7. Zahira yoki trofik vazifasi – rivojlanayotgan hujayraning oziqlanishi uchun oqsillardan zahira modda sifatida foydalanilishi. Oqsillar chegaralangan miqdorda qonda, ba’zi to`qimalarda, ko`p miqdorda o`sayotgan homilada, o`simliklar donida, tuxum va sutda bo`lib, zarur sharoitda sarflanadilar. Bunga bug`doy doninig zahira moddasi – prolaminlar va glutelinlarni misol keltirish mumkin. Shuningdek, ovalbumin – tovuq tuxumining zahira oqsili bo`lib, murtakning rivojlanishida sarf bo`ladi.
8. Substrat-energetik vazifasi – oqsil energiya hosil bo`lish jarayonlarida substrat sifatida ishtirok etadi. 1g oqsil parchalanganda 17,1 kJ energiya ajraladi. Bunga karbonat angidrid, suv va siydikchilgacha parchalanadigan oqsillarning hammasi kiradi.
9. Qisqarish vazifasi – mushaklarning kimyoviy energiyadan foydalanib qisqarishi oqsillar ishtirokida kechadi. Ularning eng muhimlari aktin va miozin - qisqaruvchi mushak tolalarini tashkil qiladilar.
10. Elektroosmotik vazifasi – membranada elektr zaryadlari farqini va ionlar kontsentratsiyasi gradientini hosil qilishda ishtirok etadi. Na⁺, K⁺ ATF aza hujayra membranasida Na⁺ va K⁺ ionlari va elektr zaryadlari farqini hosil qiladi.
11. Energiya transformatsiyalash vazifasi – elektr va osmotik energiyani kimyoviy energiyaga transformatsiya qiladi. ATF-sintetaza ishtirokida membranada elektr potentsiallar turlicha bo`lganda yoki ionlar osmotik kontsentratsiyasining gradientiga qarab ATF sintezlaydi.
12. Kogenetik vazifasi – oqsillarning yordamchi genetik vazifasi (“ko” – lat. birgalikda). Oqsillarning o`zi genetik material hisoblanmaydi, lekin nuklein kislotalarga o`z-o`zini hosil qilish va axborotni o`tkazilishida yordam beradi. Masalan DNK-polimeraza – DNK replikatsiyasida ishtirok etadi; DNK ga bog`liq RNK-polimeraza DNK dan RNK ga axborotni ko`chirilishida qatnashadi.
13. Gen-regulyator vazifasi – ayrim oqsillar nuklein kislotalari qolipi vazifasini va genetik axborotni ko`chirilishini boshqarilishida ishtirok etishi. Gistonlar – replikatsiyani boshqarilishida va qisman DNK qismlarining transkriptsiyasida ishtirok etadi.