Joba: Arxaik dáwiri turmisiniń uliwma kórinisi. B. e sh. VII-VI ásirlerde Attikada qulshiliq demokratiyasiniń qáliplesiwi

Jerlew máresimleri ózgerdi. Arxaik dáwirinde kókregine urip jilaytuǵin ádetler payda boldi. Jilap bolǵannan keyin marhumdi juwip-tarap xosh xoshiyisli maylar súrtilgen. Keyingi kúń jerlew máresimi jilaw menen qala sirtindaǵi qábiristanǵa jerleńen. Marhumniń awzina jer asti Aid patshaliǵinda marhumlardi tasiwshi Xarondqa tólew sipatinda teńge qóyǵan. Múmkin krematsiya da bolǵan, bul haqqinda Gomer poemalarinda aytiladi. Marhum óziniń qádirli buyimlari menen úlken gulxanda jaǵilǵan, otqa vino, sút hám bal sebiw dásturi menen máresim tamamlanǵan.

B.e.sh. VIII-VI ásirlerdegi klassliq qatnasiqlar óndirislik kúshlerdiń anaǵurlim joqari dárejesinde rawajlandi. Atap aytqanda, jańa metalldiń-temirdiń óndirislik ózlestiriliwi júdá úlken tásir jasadi. Bul greklerdiń materialliq múmkinshiliklerin keńeyitti, anaǵurlim quramali ekonomika, dinamikaliq tovar óndirisi payda boliwina múmkinshilikler jaratti. Bul jaǵday óz gezeginde, konservativlik natural`liq xojaliqqa qaraǵanda, xojaliq hám jámietlik rawajlaniwina anaǵurlim tez pát endirdi. Polisliq dúzim sheńberinde áyyemgi grekler óz tariyxiniń klassikaliq dáwirinde jetik tsivilizatsiya dúzdi, ol dúńya mádeniyati ǵáziynesine ulli úles boldi, áyyemgi grek jámietine uliwma dúńya tariyxinda húrmetli orin támiyinledi. Hár bir grek polisi kóp tarawli quramali jámiet bolip tabiladi, yaǵniy belgili ekonomikaliq sistemani, soсialliq dúzilisti, siyasiy shólkemdi hám quramali mádeniyat kompleksin quraydi.

Aymaq kólemi hám xalqiniń sani boyinsha grek polisleri hár qiyli bolǵan.

Polislerdiń soсialliq dúzilisi, úsh tiykarǵi klasslardiń boliwin názerde tutqan: qul iyelewshiler, mayda óndiriwshilerdiń, hár qiyli kategoriyadaǵi qullardiń klasi Grek polisleriniń soсialliq dúzilisindegi eń áhmietli ózgesheliklerdiń biri-bul puxaraliq jámáát. Polis hákimiyati jersiz puxaralarǵa járdem beriw siyasatin júrgizgen. Polistiń puxaraliq jámááti bir qiyli bolmaǵan. Oniń quramina jerli aq súyekler, ónermentlik ustaxanalardiń bay iyeleri, orta dármiyan diyxanlar da kirgen. Mámleketlik basqariw kóz qarasinan, grek polisi respublikaliq dúziliske iye bolǵan. Joqarǵi hákimiyat hám nizamliliq Xaliq jiynalisina tiyisli bolǵan, tiykarinan ol toliq huqiqli puxaralardan turǵan. Polislerde óziniń ruwxiy bahaliq sistemasi qáliplesken.