Joba: Arxaik dáwiri turmisiniń uliwma kórinisi. B. e sh. VII-VI ásirlerde Attikada qulshiliq demokratiyasiniń qáliplesiwi

Pisistrat teńiz sawdasiniń riwajlaniwina sharayat jaratti. Ol Kishi Aziyada Dardanel bóǵoziga shiǵatuǵin zárúr jerdi basip alip, Afinani Qara teńizge baratuǵin teńiz jollari ústinen qadaǵalawin ornatti. Afinada sawda ónermentshilikti rawajlandiriw maqsetinde bir qansha jámáát imaratlariniń qurilisin ámelge asirdi, Akropoldi bezedi, shairlar, súwretshilerge ǵamxorliq qildi. Oniń pármani menen Afinada xaliq qosiqshilari toplanip, olardiń sózlerinen Gomerdiń belgili poemalari “Iliada” hám Odessiya”lari jazip alindi.

Pisistrattiń nizamlari burinǵi uriw aqsúyekleriniń abiroyin túsirdi, olardiń kóp wákilleri Afinadan quwip shiǵarildi. B.e.sh. 527-jilda Pisistrattiń ólgennen keyin ballari Gippey hám Gipparx Afina hákimleri boldi. Bul waqitta kúshli parsi mámleketi Kishi Aziyani basip alip, Egey teńizinen Qara teńizge baratuǵin jollardi iyelep aldi. Afina teńiz sawdasina úlken ziyan tiydi, nátiyjede Afinaǵa sirttan biyday alip keliw waqtinsha úziliske túsip, aziq-awqat ónimleri qimbatladi. Tábiyiy bul xaliqtiń naraziliǵin keltirip shiǵardi. Xaliq Pisistrattiń ballari hákimiyatin awdarip tasladi.

5. Klisfen reformasiniń áhmieti. Pisistrat hám oniń ballari tiraniyasi awdarilǵannan keyin, yevpatridlardi óz húkimranliqlarin tiklewge urinislari afinalilardi kópshiliginiń keskin qarsiliǵina ushradi. Sonday bir sharatta demos qollap- quwatlaǵan Klisfen jańa reformalardi ótkerdi (B.e.sh. 509-507-jillar). Ol adminstrativlik aymaqliq reformani ámelge asirdi. Attika uriwshiliq shólkemi ornina 10 jańa aymaqliq filga ajratildi. Bul uriwshiliq baylanislariniń úzilisi hám xaliqti aralasip ketiwine alip keldi, bunnan bilay Attika xaliqi jasaw jerine qarap aymaqliq baylanislar bóyinsha birlesti, uriw fillari tamamlandi.

Tórt júzler keńesi bunnan bilay 500 puxarani óz quramina kirgizdi. Hár jańa 10 aymaqliq filden 50 adam bul keńeske saylandi, solniń menen birge jana bes júzler Keńesi qurami (Bule) hár jili toliǵi menen jańalandi. Keńes aǵzalari qura taslaw joli menen saylandi, eki márteden artiq saylaniw múmkin emes edi. Klisfen jergilikli xaliq