Joba: Arxaik dáwiri turmisiniń uliwma kórinisi. B. e sh. VII-VI ásirlerde Attikada qulshiliq demokratiyasiniń qáliplesiwi

Tema: B.e.sh V ásirlerde Afina qulshilıq demokratiyasıniñ gúlleniwi .

Joba:

1. Arxaik dáwiri turmisiniń uliwma kórinisi.

2. B.e.sh. VII-VI ásirlerde Attikada qulshiliq demokratiyasiniń qáliplesiwi

3. Solon reformalari

4. Afinada Pisistrat tiraniyasi.

5. Klisfen reformasiniń áhmieti.

1. Arxaik dáwiri turmisiniń uliwma kórinisi. Greciyada qul iyelewshilik jámiet hám mámlekettiń ruwajlaniw ózgeshelikleri (b.e.sh. VIII-VI ásirler). Arxaikaliq dáwir (b.e.sh. VIII-VII ásirler) polisliq dúzilis túrindegi qul iyelewshilik jámiet hám mámleket qáliplesiw dáwiri boldi. Bul klassliq jámiet hám mámleketliktiń rawajlaniwiniń dáwiri boldi. Bul klassliq jámiet hám máleketliktiń rawajlaniwiniń jańa joli edi. Ol b.e.sh. II miń jilliqtaǵi eń áyyemgi greklerdiń mámleketlik dúzilisinen hám áyyemgi shiǵis jámieti óz waqtinda basip ótken jolinan ózgeshe edi. Biraq b.e.sh. II miń jilliqtaǵi tariyxiy tájiriybe esapqa alindi, ol uliwma tariyxiy protsessti tezletti hám bayitti.

Aytiwlarǵa qaraǵanda arxaik dáwirde grek úy-jaylari ápiwayi hám bir qabatli edi. Epik tekstlerine qaraǵanda erler qisqa kóylek (xiton) kiyip, kóshege shiǵip baratirǵanda ústilerine keń jabiw xlamida jamilǵan. Hayallar xiton ústinen saltanatli keń kiyim, belbew menen tartilǵan kamzol (peplum) kiygen. Shiǵistan erlar ushin uzin, yubka (kanoptan) tóqilǵan xiton ózlestirip alinǵan, shashina altin terewish qistirilǵan. Soсial qatlamlasiw kiyiniwge tásir etken. Aqsúyek jaslar atli júrgende, dáslep plash – xlamida menen óranǵan.

Arxaik dáwirde shańaraq – neke qatnasiqlari da ózgeredi. Gomer dáwirinde kúyew kelindi ata-analarina qimbatbaha sawǵalar berip satip alar edi. Arxaik dáwirinde bolsa kelinge sep beriw ádetke aylandi. Nekege tiykar bolip jaslardiń ata – anasi órtasinda dúzilgen kelisim shártnamasi xizmet etedi. Kerekli qurbanliqlar qilinǵannan keyin kelindi atasiniń úyinde toy hám ziyapat baslanadi. Quyash batiwi menen kelin kúyewiniń úyine uzatiladi.