Жиноят ҳуқуқи фанидан якуний назоратга тушиши мумкин бўлган тахминий саволлар ва казуслар

Вазиятга ҳуқуқий баҳо беринг.

Ачилов Шохбоз Рахматулла ўғли ва Хидиров Шаҳобиддин Азим ўғлилар олдиндан ўзаро жиноий тил бириктириб, бир гуруҳ бўлиб, 2020 йил 16 март куни соат 09:45 ларда Иштихон тумани, Митан қўрғони, “Намуна” маҳалласида жойлашган “Fayz Baraka Trade Group” МЧЖга қарашли озиқ-овқат дўконининг омборхонасига келиб, ўзига олдиндан таниш бўлган шу омборда ишловчи Ш.Ҳамдамов билан ўзаро жанжаллашиб қолиб, шу жанжал давомида судланувчи Ш.Ачилов қўл ва оёқлари билан Ш.Ҳамдамовнинг чап ёноқ соҳасига, чап кўз атрофига, бош соҳасига, судланувчи Ш.Хидиров эса қўл ва оёқлари билан Ш.Ҳамдамовнинг чап қовурға, бош соҳасига ва танасини бошқа соҳаларига қасддан уриб, унга “Ўртача оғирликдаги шикаст” етказишган.

Иштихон туман суд-тиббий экспертиза бўлинмасининг 2020 йил 10 апрелдаги 205-сонли хулосасига кўра, Ш.Ҳамдамовнинг танасида яъни чап кўкрак соҳасида шилинмалар, чап ёноқ соҳасида қонталаш, чап кўз атрофи, чап ёноқ соҳалари юмшоқ тўқималарини лат ейиши, чап томонлама пневмоторакс 1- даражаси каби жароҳатлар мавжудлиги, ушбу жароҳатлар “Ўртача оғирликдаги шикаст” гуруҳига киришлиги, етказилиш муддати 2020 йил 16 март кунига тўғри келишлиги кўрсатилган.
Ўзбекистон Республикаси Олий суди Пленумининг Қарори асосида вазиятга ҳуқуқий баҳо беринг ҳамда жиноят таркибини таҳлил қилинг.

Ш.Норбеков 2019 йил март ойларида Зарбдор тумани, “Адиробод” ҚФЙ, С.Зуннунова кўчаси, 9-уйда яшовчи, 2004 йил 15 августда туғилган вояга етмаган Қодирбердиева Феруза Анвар қизи билан телефон орқали танишиб, у билан учрашиб, гаплашиб юришиб, 2019 йил август ойида кечаси Ф.Қодирбердиева билан учрашиб, уни Зарбдор тумани “Адиробод” ҚФЙ, Ҳамдўстлик кўчасида жойлашган акасига тегишли бўлган ҳеч ким яшамайдиган уйга олиб бориб, уйнинг хонасида, Ф.Қодирбердиевани 16 ёшга тўлмаганлигини билган ҳолда, Ф.Қодирбердиевага севишини ва келажакда бирга турмуш қуришларини айтиб, унинг розилиги билан жинсий алоқада бўлиб, жиноий харакатини давом эттириб, 2019 йил август ойининг охирларида кечаси Ф.Қодирбердиева билан учрашиб, уни Зарбдор тумани “Адиробод” ҚФЙ, Ҳамдўстлик кўчасида жойлашган акасига тегишли бўлган ҳечким яшамайдиган уйга олиб бориб, Ф.Қодировани 16 ёшга тўлмаганлигини билган ҳолда унинг розилиги билан жинсий алоқада бўлиб, жиноий харакатини давом эттириб, 2019 йил октябрь ойининг бошларида кечаси Ф.Қодирбердиева билан учрашиб, уни Зарбдор тумани “Адиробод” ҚФЙ, Ҳамдўстлик кўчасида жойлашган акасига тегишли бўлган ҳеч ким яшамайдиган уйга олиб бориб, уни 16 ёшга тўлмаганлигини билган ҳолда у, билан жинсий алоқа килган.