Жиноят ҳуқуқи фанидан якуний назоратга тушиши мумкин бўлган тахминий саволлар ва казуслар

Ўзбекистон Республикаси Олий суди Пленумининг Қарори асосида вазиятга ҳуқуқий баҳо беринг ҳамда жиноят таркибини таҳлил қилинг.

Р.Эгамбердиев “Istiqlol trikotaj maxsulotlari” МЧЖ раҳбари бўлгани ҳолда, С.Собиржанов билан олдиндан тил бириктириб, бир гуруҳ бўлиб, “Sardorbek tekstil dizayn savdo” МЧЖ ташкил этиб, 2020 йил 5 февралда АТ “Халқ банки” Янгиқўрғон филиали билан “Sardorbek tekstil dizayn savdo” МЧЖ ўртасида тузилган кредит шартномасига асосан ажратилган 300.000.000 сўм имтиёзли кредит маблағини тикув дастгоҳлари олиш учун “Istiqlol trikotaj maxsulotlari” МЧЖнинг ҳисоб рақамига ўтказилишига эришиб, тикув дастгоҳлари олингани тўғрисидаги ҳисоб-варақ фактурасини қалбакилаштириб, АТ “Халқ банки” Янгиқўрғон филиалига тақдим қилиб, жуда кўп миқдордаги 300.000.000 сўм имтиёзли кредит маблағларини ўзлаштириш йўли билан талон-торож қилган.

Ўзбекистон Республикаси Олий суди Пленумининг Қарори асосида вазиятга ҳуқуқий баҳо беринг ҳамда жиноят таркибини таҳлил қилинг.

А.Хасанов Тошкент давлат Педагогика университети Ахборот технологиялари кафедра мудири лавозимида ишлаб келиб, фирибгарлик йўли билан А.Алибоевнинг мулкини қўлга киритиш мақсадида, уни алдаб, унинг танишлари Ш.Бобомуродов ва Э.Жумаевларни 10.000 АҚШ доллари эавазига Тошкент вилояти, Чирчиқ Давлат Педагогика университетига ўзининг юқори лавозимда ишловчи танишлари орқали ўқишга киритиб қўйишни ваъда қилиб, бунинг эвазига юқори лавозимда ишловчи танишларига 10.000 АҚШ долларини (105.986.600 сўм) пора сифатида бериш лозимлигини айтиб, А.Алибоевни мансабдор шахсларга пора беришга далолат қилиб, уни қизиқтириб, 2021 йил 23 июль куни Тошкент шаҳар, ТХАЙ кўчаси, Рохат йўл айланмаси атрофида А.Алибоевдан 10.000 АҚШ долларини (105.986.600 сўм) фирибгарлик йўли билан қўлга киритган вақтда ашёвий далиллар билан ушланган.

Ўзбекистон Республикаси Олий суди Пленумининг Қарори асосида вазиятга ҳуқуқий баҳо беринг ҳамда жиноят таркибини таҳлил қилинг.

А.Шукуров 2021 йил 4 июнь куни соат 09:30 ларда Олмазор тумани, Қора-қамиш 2/4 мавзеси, 30-уйнинг 3-қаватида жойлашган 8-хонадон деразасидан онаси Н.Джалалова кўз ўнгида акасининг қизи 28.10.2018 йилда туғилган ожиз аҳволдаги жияни Р.Тоиржоновани қасддан ўлдириш мақсадида, 7,5 метр баландликдан пастга ташлаб юборган.

Р.Тоиржонова ўз вақтида отаси Н.Шукуров томонидан шифохонага олиб борилиб, кўрсатилган тиббий муолажалар натижасида ҳаёти сақлаб қолиниб, А.Шукуров жиноий режасини ўзига боғлиқ бўлмаган ҳолатда охирига етказа олмаган.