Ájiniyaz atındag’ı Nókis mámleketlik pedagogikalıq

Izzertlewdin’ aktuallig’i.Ta’rbiyanın’ en’ a’hmiyetli subyektiv faktorlarınan biri ta’rbıyashı shaxsı esaplanadı. Ilim obyektiv haqıyqattı belgilep beredi: ta’rbiyashı shaxsı bul en’ a’hmiyetli bolmasa da, en’ bolmag’anda na’tiyjeli ta’rbiyalawdın’ a’hmiyetli sha’rti, a’meliyat bul juwmaqtı ha’r bir qa’demde tastıyıqlaydı. Ta’rbiyashınin’ ha’zirgi zaman ta’rbiya procesindegi roli pu’tkil ta’rbiyalıq ta’sirdi o’zinde qamtıp alıw ha’m processke basshılıqtı o’z qolına alıwda bolmaydı. Kerisinshe, onın’ sho’lkemlestiriwshilik ha’m bag’darlawshı ku’shi, ondag’ı demokrastizm, do’retiwshilik erkinligine qarag’anda sonshelli a’hmiyetli. Ta’rbiyashı aytarlıqtay tabıslarg’a ta’rbiya proseci o’tetug’ın sharayat ha’m sha’rtler esapqa alısa g’ana erisedi, o’z ta’rbiyalıq ha’reketlerinin’ aqıbetin itibarlı analizleydi ha’m olardan durıs juwmaq shıg’aradı.
Mektep ta’rbiyası kemshilikleri haqqında ko’p ma’rte aytılg’an, olarda tek jag’ımsız sharayatlar, ata-ananın’ ta’rbiyalıq funkciyasın orınlawdan bas tartıwshı qolaysız oqıwshılar ayıplı bolmaydi. Mug’allimler, ta’rbiyashılar kelip shıqqan kriziste ayıbı bar ekenligin moyınlawı kerek. Avtoritar pedagogikanı keltirp shıg’arg’an professionalizmnin’ to’men da’rejesi ta’rbiyalanıwshılardın’ ta’rbiyashılarınan jıraqlawdın’ baslı sebebi bolıp qaldı. Pedagogikalıq o’zara qatnaslar tu’pkilikli qayta du’ziw mektepti demokrstiyalaw ha’m gunaizaciyalaw ideyaları tuiykarında erisiw mu’mkin, a’piwayı insanıylıq sıpatlar – balalar haqqında g’amxorlıq, muhabbar ha’m tilekleslik. Sol sebepli ha’zirgi ta’rbiyashının’ a’hmiyetli wazıypası ta’rbiyalanıwshını pedagogikalıq ta’sirge jaylastırıwdan ibarat. Pedagogikalıq poziciya delikat, elespesiz, itimal ta’rbiyalanıwshıdan jasırın halda boliwı kerek. balanı dos etip o’siriw kerek, onın’ to’besinde aqılgo’y bolıp turıw kerek emes. Son’g’ı jıllarda ta’rbiya proseci mazmunına degen ko’z qaras tez ha’m keskin o’zgerdi. Bu’gingı ku’nde de birdey bolmay otır: ja’miyetimiz, sonın’ menen birge mektep te obyektin haqıyqatlıqqa erisiwde qıyın da’wirdi basınan keshirmekte. Ta’rbiyalawdın’ jan’a sapasına alıp keliwi tiyis bolg’an mektepti gumanizaciyalaw ha’m demokratiyalawg’a bag’dar alındı.