Jamurad yangiboyevich, amirov

Parrandalarni  so‘yish  jarayoni.  Oziq-ovqat  balansida  parranda 
mahsulotlari  o‘ziga  xos  o‘rin  tutadi.  Parrandalar  xushsizlantirilganda  yoki 
xushsizlantirilmagan holda so‘yiladi. O‘rdaklar va g‘ozlar 36 volt kuchlanishiga 
ega  bo‘lgan  tok  bilan  6-12  sekund  davomida  xushsizlantiriladi.  So‘yiladigan 
parrandalar og‘zi orqali qattiq tanglay shilimshiq pardasining ostiga joylashgan 
bo‘yinturuq  venasining  ko‘prik  venasi  bilan  birlashgan  joyini  pichoq  yoki 
qaychi  bilan  kesib  qonsizlantiriladi.  Bu  usulda  qonsizlantirishda  birinchidan 
hosil  bo‘lgan  yaraning  tashqi  muhitdan  ifloslanishi  oldi  olinsa,  ikkinchidan, 
parrandaning  par  va  patini  tozalash  osonlashadi.  Qon  tomirlari  kesilgandan 
keyin  pichoq  yoki  qaychining  uchi  bilan  kichik  miyaga  sanchilib,  nerv 
markazlari  shikastlanadi,  natijada  parini  yulish  yengillashadi.  Tovuqlarni 
qonsizlantirish  1-1,5  minut,  o‘rdak  va  g‘ozlarni  qonsizlantirish  esa  3  minut 
davom etadi.