Jamurad yangiboyevich, amirov

Parranda go‘shtni tozalash va ichini yorish. Parranda go‘shtini tozalash 
og‘iz bo‘shlig‘ida ivib qolgan qonni tozalash, oyoqlarini yuvish va qog‘oz bilan 
boshini  o‘rashdan  iborat.  Texnik  sharoitga  qarab  parranda  go‘shti  ichidagi 
organlar  chala  olingan  yoki  to‘liq  olingan  holda  realizatsiya  qilinadi.  Ichini 
chala  olganda  faqat  ichaklari  chiqarib  olinadi.  Buning  uchun  orqa  chiqarish 
teshigi  aylantirilib  qorin  devori kloakadan  3-4 sm  naridan  to‘sh suyagi  bo‘ylab 
uzunasiga  kesiladi,  hosil  bo‘lgan  kesikdan  ichaklar  chiqarib  olinadi. 
Parrandalarning  ichi  to‘liq  olinganda  tanasining  qorin  devori  kloakagacha 
kesiladi, keyin kloaka atrofi aylanasiga kesilib, hosil bo‘lgan kesikdan kloaka va 
butun ichki organlar (o‘pka va buyraklardan tashqari) chiqarib olinadi. Jig‘ildon 
va  qizil  o‘ngach  ham  ajratib  olinadi.  Veterinariya-sanitariya  ko‘rigidan 
o‘tkazilgunga qadar, chiqarilgan ichki organlar tana bilan tabiiy birlashgan holda 
qoldirilib,  keyin  ajratib  olinadi.  Keyin  go‘shtga  ko‘rinish  berish  maqsadida 
qanotlari,  boshi  tananing  yon  qismiga  oyoqlari  to‘sh  suyagi  qismiga 
yig‘ishtiriladi.  Shunday  qilib,  shakllantirilgan  parranda  go‘shti  sovutish 
xonasiga  o‘tkaziladi,  undan  keyin  toifalarga  qarab  navlarga  ajratiladi  va 
yashiklarga joylanadi. Sovutish xonasiga yuborishdan oldin ham navlarga ajratib 
yashiklarga joylash mumkin.