Jahon tarixi 11 1-§. "Sovuq urush"ning boshlanishi

Turg’ut Ozal (1927-1993) – 1983-89 yillarda hukumat bosh vaziri. Aynan shu yillarda Vatan partiyasi yetakchisi
1989 sentyabr-1993 yillarda prezident.
Mamlakatda inflyatsiya rekord darajaga - 60 foizga yetdi. Ishsizlik bir maromda (11 foiz) saqlanib qolaver­di. Turk ishchilari Germaniyaga hech bir huquqsiz, faqat malakasiz ishlarga ketishdi. 1991-yil sentyabrda mamlakatda yangi saylovlar bo’lib o’tdi. Sulaymon Demirelning To’g’ri yo’l partiyasi 27 foiz ovoz oldi va Sotsial-demokratlar partiyasi bilan blokda hukumatni tashkil qilish huquqini egalladi. Tajribali siyosatchi S.Demirel bosh vazir etib tayinlandi. Islom davlatini tuzish uchun kurashuvchi Farovonlik partiyasi katta muvaffaqiyatga (17 foiz) erishdi. Mazkur partiya musulmon davlatlarining islom harbiy ittifoqini, umumiy islom bozorini tashkil qilish, umumiy islom valyutasini joriy etish va kapitallarga qo’yiladigan foiz (sudxo’rlik)ni yo’q qilishga chaqirdi. Ularning dasturida Turkiyaning NATOdan chiqib ketishi va jahonda yangicha tartib hamda adolat o’rnatishi zamr bo’lgan islom NATOsini tashkil qilish g’oyasi ilgari surilgan edi. 1993-yil T.Ozal vafot etgandan so’ng parlament S. Demirelni prezidentlikka sayladi. U ham o’z navbati­da bosh vazir lavozimiga To’g’ri yo’l partiyasi yetakchi­laridan biri - Tansu Chilier nomzodini qo’ydi. Yangi hukumat uzoq turmadi. 1995-yilda yangi saylovlar bo’lib o’tdi. Unda Vatan partiyasi va To’g’ri yo’l partiyasi kam ovoz oldi (har biri 19 foiz­dan), Farovonlik partiyasi uchun berilgan ovozlar soni ortib bordi. N.Erbaqon To’g’ri yo’l par­tiyasi bilan koalitsiyada hukumatni tuzish vakolatiga ega bo’ldi. Xorijiy davlatlarga har tomonlama bog’liq bo’lib qolishni yo’qotish va islom­ning jamiyat hayotidagi hukmronligiga chek qo’yish­ni o’z oldiga vazifa qilib qo’ygan kamolchilar inqilobidan so’ng 75 yil o’tib ma’lum bo’ldiki, ular har ikki vazifani ham uddalay olishmadi.