Jahon tarixi 11 1-§. "Sovuq urush"ning boshlanishi

L. I. Brjnev ( 1906-1982) -SSSR Oliy Soveti prezidiumining raisi (1960-1964, 1977-1982). 1964 yildan 1982-yilgacha KPSS MKBosh kotibi.Uning boshqaru­vi davrida jamiyat ijtimoiy va ma’naviy hayotida, iqtisodda salbiy oqibatlarga olib kelgan tendensiyalar, konservatizm kuchaydi.
1982-yilda L.Brejnev vafot etdi. Uning vorislari Y.A.Andropov va K.U.Cher­nenkolar yosh jihatdan an­cha qari va xasta bo’lganligi bois mamlakat siyosatiga faol ta’sir eta olmadi. (Y.Andropov - 1984-yilda, K.Chernenko - 1985-yilda vafot etdi). Mamlakat iqtiso­di boshi berk ko’chaga kirib qolgan, ijtimoiy hayotda esa turg’unlik yuzaga kelgan edi. Axloqiy tanazzul belgilari namoyon bo’la bordi. 1985-yilning martida partiya va davlat rahbarligiga M.S.Gorbachev saylandi. Uning tashabbusi bilan 1985 ­yilning aprelida yangi yo’nalish - qayta qurish strate­giyasi ishlab chiqildi. Mazkur yo’nalish mohiyati o’ta markazlashgan buyruqbozlik tizimidan demokratik markazlashuv va o’z-o’zini, boshqarish tizimini uyg’un­lashtirish prinsiplariga o’tishdan iborat edi. Qayta qurishning asosiy qoidalari 1987-yilgi iyul plenumida tasdiqlandi. Korxonalar mustaqilligini keskin kengaytirish, ularni to’liq xo’jalik hisobiga va o’z-o’zini moliyalash tizimiga o’tkazish islohotning asosini tashkil qilar edi. Mehnat jamoalarining huquqlari kengaydi. Ular endi xo’jalikni yuritish samaradorligiga va mehnat natijalariga javob berishi lozim edi. Oshkoralik siyosati mamlakatda ijtimoiy va siyosiy fikrlash tarzini o’zgartirib yubordi. Partiyaning axborot­ga nisbatan monopoliyasi tugatildi. Iqtisodiy sohada deyarli hech bir natijaga erishilma­di. Ishlab chiqarish pasayish jarayoni davom eta bordi, ijtimoiy ahvol keskin yomonlashdi, byudjetdan nafaqat ayrim korxonalar, hatto butun bir mintaqalar uchun ham mablag’ ajratilmagan holatlar bo’ldi. Milliy respub­likalarda Ittifoq tarkibidan chiqish tendensiyasi kuchay­di.
Gorbachev Mixail Sergeevich (1931-yilda tug’ilgan)­1985-1991-yillarda. KPSS MK Bosh kotibi, 1990-1991 yillarda SSSR Prezidenti. SSSRda totalitar tizimni isloh qil­ishga qaratilgan qayta qurish tashabbuskori. 1991-yil dekabridan - "Gorbachyev-fond"ijtimoiy-iqtisodiy va siyosiy tadqiqotlar xalqaro fondi prezidenti. 1990-yilda unga Nobel mukofoti topshirilgan. SSSRning parchalanib ketishidan cho’chigan partiya va davlat rahbariyati tartib o’rnatishda kuch ish­latish usullariga o’tdi. Almata, Vilnyus, Boku va Tbilisida harbiy kuch ishlatish tinch aholi o’rtasida ko’plab qur­bonlarga sabab bo’ldi.