J. Ya. Jo’rayev, I. Maqsudov

 
Go’sht va uning tovarliligi. 
 
Go’sht  ishlarning  taomida  katta  ahamiyatga  ega.  Go’shtning 
tarkibida  odam  organizmi  uchun  zarur  bo’lgan  oqsil,  yog’,  mineral 
moddalar, vitaminlar, uglevodlar va boshqalar bor. 
O’zbekistonda  go’sht  uchun  asosan  qoramol,  qo’y-echkilar  hamda 
har  xil  yoshdagi  va  zotli  cho’chqalar  so’yiladi.  Go’sht  balansida 
parranda,  ot,  qo’tos,  bug’u  va  quyon  go’shtlari  ham  ma’lum  o’rinni 
egallaydi.  Tovarlilik  nuqtai  nazaridan  gapirilganda,  go’sht  uchun 
so’yiladigan hayvonlarning hamma qismlari, ya’ni yaxlit tanasi va ovqat 
uchun ishlatiladigan ichki organlari va boshqa qismlari nazarda tutiladi. 
Go’sht sanoatida terisi ishlangan, ichki organlari, bosh va oyoqlari 
kesib tashlangan hayvonning butun tanasi go’sht deyiladi. Ba’zan go’sht 
deb faqatgina muskul to’qimasi tushuniladi, bu noto’g’ri, chunki go’sht 
har xil to’qimalardan hamda muskul to’qimasidan iborat. 
Go’shtning  morfologiyasi.  Morfologik  nuqtai  nazaridan  go’sht 
tarkibiga  muskul  to’qimasi,  yog’,  biriktiruvchi  to’qima,  suyaklar,  nerv 
tolalari kiradi. Shuni qayd qilish kerakki, nerv tolalari, qon tomirlari va 
limfa  sistemasi  ham  kiradi.  Lekin  nerv  tolalari,  qon  tomirlari  va  limfa 
sistemasining go’sht tarkibidagi salmog’i kam.