8
va Lotin Amerikasi mamlakatlarini Yevropaning ilg’or mamlakatlaridan ancha
orqada qolib ketishiga olib keldi.
XV-XVI asrlarda buyuk geografik kashfiyotlar
davrida Ispaniya va
Portugaliya Yangi dunyoga olib boradigan muxim savdo yo’llarida qulay
mavqeni egalladi. Ispan mustamlakachilari Amerikadan xisobsiz boyliklarni qo’lga
kiritdilar. Ammo, feodallar Ispaniyasining qoloqligi, shaxarlar, xunarmandchilikni
taraqqiy etmaganligi dvoryanlarni mablag’larini sovurishi oqibatida bu ulkan
boyliklar Ispaniyada o’z maxsulotlarini sotuvchi golland, ingliz va fransuz
savdogarlari qo’liga o’ta boshladi. Bu davrda Frantsuz
qirolligi Ispan va Avstriya
Gabsburglari bilan to’xtovsiz urushlar olib bordi. Bu urushlarda o’z chegaralarini
va savdo yo’llarini yanada kengaytirish uchun kurash olib bordilar. Yevropaning
xristian qirolligi xisoblanmish Fransiya Avstriya Gabsburglariga qarshi Turkiya,
Shvetsiya va Polsha bilan ittifoq tuzdilar. 1648 yildan boshlab Fransiya va
Shvetsiya german millatining «Muqaddas Rim imperiyasining tuzilishi va
chegaralarning kafolati» vazifasini o’z qo’llariga olishdi.
1648 yildagi Vestfaliya sulxi Germaniyaning siyosiy tarqoqligini uzoq vaqt
saqlanib qolishga turtki bo’ldi. G’arbiy Germaniya va Italiya xududlarida
xukmronlikni o’z qo’llariga olish uchun Avstriya va Ispan Gabsburglari o’rtasida
ko’p asrlik kurash olib bordilar. Bu davrda Italiya mayda-mayda davlatlardan,
qoloq feodal monarxiyalardan tashkil topgan edi. Genuya va Venetsiya savdo
Respublikalari asta sekin tanazzulga yuz tutayotgan, Usmoniylar imperiyasi
tomonidan siqib chiqarilayotgan edi.
Yevropada ko’p asrlik Gabsburglar xonadonining ta`siri juda kuchli edi.
Yevropaning janubiy sharqida XVIII asrda Turklar mustamlakalari ulkan
o’lchovlarga etgan edi.
Kichik Osiyo, Arab Sharqi, Bolqon mamlakatlari,
Vengriya,
shimoliy sharqiy Qora dengiz qirg’oqlari Usmoniylar Turkiyasiga bo’ysunar edi.
XVI asrda Qora dengiz Turk ko’liga aylantirilgan va xalqaro savdoga yopiq
9
xududga aylantirilgan edi. Usmoniylarning bosqinchilik yurishlari Pol’shaga xam
xavf sola boshladilar. Turkiyaning mustamlakachilik siyosati, Shuningdek Avstriya
va Rossiyaning mustamlakachilik siyosati Yevropada xalqaro
qarama qarshiliklarni
vujudga keltiradi.
Gabsburglarga qarshi kurashda XVI asrda frantsuz qirollari va turk sultonlari
o’zaro ittifoq tuzib, xamkorlikda faoliyat yuritdilar. Turklarning bu davrda
Yevropadagi ta`siri kuchli bo’lsada, Usmoniylar imperiyasida ichki inqiroz
boshlangan edi. Bu davrda Pol’sha davlati Litva, Ukraina erlarini o’z ichiga
olgan kuchli davlat edi. Rossiyaning
iqtisodiy, siyosiy, xarbiy rivojlanishi rus
davlatining obro’sini ko’tarilishida katta axamiyat kasb etdi. Rossiyaning Turkiya,
Pol’sha, Shvetsiya bilan munosabatlari keskinlashdi. Yevropaning shimolida
Shvetsiya xarbiy va siyosiy jixatdan qudratli bo’lib, Boltiq dengizining shimoliy
xududlari, Germaniya janubidagi daryo xavzalarini o’z xukmronligiga olgandi.
Shvetsiya qudratli xarbiy dengiz flotiga ega bo’lib, Rossiyaning dengizga
chiqishiga, Daniya va German davlatlarini mustaqil rivojlanishiga to’sqinlik qilardi.
Uncha katta bo’lmagan Daniya qirolligi Norvegiyani o’ziga bo’ysundirgan
bo’lsada, xarbiy jixatdan zaif edi.
Do'stlaringiz bilan baham: