Иқтисодий билимдонлик,мушоҳадалилик ва онглилик

Иқтисодий қонунлар-иқтисодий ҳаётнинг турли тамонлари,иқтисодий ҳодиса ва жараёнлар ўртасидаги доимий равишда барқарор равишда такрорланиб турадиган сабаб-оқибатли алоқаларни,уларнинг ўзаро таъсири ва боғликлигини ифодаловчи мунсабатдир.
Иқтисодий ҳодисалар-жамиятда турли даражадаги иқтисодий фаолиятларни амалга оширишда рўй берувчи сифат ва миқдор ўзгаришлари, жараёнлар.
Иқтисодий қонунлар ва ҳодисаларни мушоҳада этиш-жамият аъзолари тамонидан ўз эҳтиёжларини қондириш,иқтисодий манфаатларини рўёбга чиқариш ва фаолият вазифаларини ошириш мақсадида обектив иқтисодий қонун ва ҳодисаларни кузатиш, ўрганиш ва уларга нисбатан онгли муносабатда бўлиш.
Миллий иқтисодиёт-барча тармоқ ва соҳаларни ,микро ва макро даражадаги иқтисодиётларни,функсионал иқтисодиётларни,кўплаб инфра тузилмаларни ўз ичига олган яхлит иқтисодиёт.
Демография-аҳолини ўсиб боориш қонуниятларини, унинг ижтимоий-иқтисодий,табиий шарт-шароитларга боғлиқлигини,аҳоли сонини,ҳудудий жиҳатдан жойлашганлиги ва таркиби, уларнинг ўзгариши,сабаб ва оқибатларини ўрганувчи фан.
Ишлаб чиқарувчи кучлар- ишлаб чиқаришнинг бир –бири билан доимо ривожланиб борувчи шахсий ва моддий омиллари,яни ишчи кучи билан ишлаб чиқариш воситалари мажмуи.
Ишлаб чиқарувчи кучларнинг жойлашуви-алоҳида ҳудудларнинг табиий ,ижтимоий ва иқтисодий шарт-шароитларига мувофиқ ишлаб чиқарувчи кучларнинг тақсимланишини тавфсифловчи ҳолат.
Ижтимоий-иқтисодий ривожланиш-мамлакат ижтимоий иқтисодий ҳаётидаги сифат ва миқдор ўзгаришларини,жумладан,иқтисодий ўсиш ,таркибий ўзгаришлар,аҳоли турмуш даражаси ва фаравонлигининг ошиш қобилларини қамраб олувчи кўп қиррали жараён.
Ижтимоий-иқтисодий ривожланишни ҳаракатга келтирувчи кучлар-жамиятнинг ижтимоий-иқтисодий ривожланишини ҳаракатга келтирувчи кучлар бўлиб, ишчи кучи ва ишлаб чиқариш воситалари ҳисобланади. Унда асосий ўринни юқори билим ва малакали ишчи кучи эгаллайди.Шунингдек,мавжуд табиий ресурсларнинг миқдори,сифати,техника ва технология билан қуролланганлик , фан-техника тараққиёти ютиқларини ишлаб чиқаришга жорий этиш даражаси ва бошқалар ижтимоий-иқтисодий ривожланишнинг ҳаракатга келтиришда муҳим рол ўйнайди.