Истайсизми? Болтабоева Гузал Равшановна

Сунъий озиқлантириш 
Боши билан шўнғиб кирмаса ҳар дам,
Сув остида дурни топарми одам? 
Алишер Навоий
 
Охирги йилларда болани эмизиш учун ўз сути етишмаган ёки 
баъзи 
бир объектив ва субъектив сабабларга кўра бола эмизишни истамайдиган 
аёллар анча кўпайиб кетди. Бу сабаблар тоифасига аёлнинг ишлаши, 
касаллиги, унга докторларнинг эмизишга руҳсат бермаслиги, ёлғизлиги, 
иқтисодий етишмовчилар ва бошқаларни киритиш мумкин. Бундай холларда 
бола туғилиши биланоқ, уни сунъий равишда озиқлантирилади. 
Туғруқхонада бундай болалар донорлик сутини оладилар. Уй шароитларида 
эса боланинг қандай овқатланиши кераклигини участканинг педиатр врачи 
боланинг умумий ҳолатига қараб аниқлаб беради. Ота-оналар эса чидам ва 
эҳтиёткорлик билан врачнинг барча айтганларини аниқ хамда ўз вақтида 
бажаришлари лозим бўлади. Дўконларда жуда кўп навли ва хилма-хил 
турдаги озуқа аралашмалари сотилади. Уларнинг баъзи бирлари янги 
туғилган чақалоқ учун мўлжалланган бўлса, бошқалари ойма-ой 
озиқлантириш учун тавсия этилади. Бундай озуқа аралашмаларини сотиб 
олишдан аввал унинг таркибида нималар борлигини, қандай болалар учун 
мўлжалланганлигини, қаерда ишлаб чиқарилганини, сақлаш муддати қанча 
ва қачонгача эканлигини яхшилаб ўрганиб чиқинг хамда олган 
маълумотларингиз хақида педиатр билан маслаҳатлашинг. Агар у сизнинг 
танловингизни маъқулласагина, бу аралашмадан болангизни қўшимча 
озиқлантиришда фойдаланишингиз мумкин бўлади.
Бундай озуқа аралашмаларидан бола учун овқат тайёрлаш жуда осон ва 
уларнинг кўпчилигида керакли бўлган миқдорлар ва нисбатларда оқсиллар, 
ёғлар, углеводлар, минерал моддалар ва деярли барча витаминлар мавжуд. 

---

Болтабоева Г.Р., Умарова Н. А. 
22 
Улар билан болани озиқлантириш янги сигир сути билан озиқлантиришдан 
кўра маъқулроқ, чунки сигир сути ёмон хазм бўлади ва унда ортиқча 
оқсиллар ва ёғлар бор хамда унда баъзи бир муҳим витаминлар бўлмайди.
Аммо сунъий аралашма сотиб олиш учун пулингиз ёки имкониятингиз 
бўлмаса, у холда сигир сутини сувга ёки бирор бир қайнатмага бироз шакар 
билан биргаликда қўшиб, болани озиқлантиришингиз ҳам мумкин. Бундай 
озуқа тури қуйидаги тартибда тайёрланади: