Истайсизми? Болтабоева Гузал Равшановна

Бола 12 ойлик бўлганда 

---

Болтабоева Г.Р., Умарова Н. А. 
20 
Бола 12 ойлик бўлганида уни кўкракдан ажратиш лозим. Аммо бу 
ишни иссиқ кунларда амалга ошириш мумкин эмас. Агарда болангиз ёзда 
бир ёшга тўлса, уни кўкракдан ажратманг ва унга сентябр-октябргача 
суткасига бир марта кўкрак тутинг. Ундан сўнг, охирги эмизишни кефир ёки 
сигир сути билан алмаштирилади. Бу пайтга келиб, аёлларда лактация (сут 
келиши) анча камаяди. Лактация умуман тўхташи учун кўкракни соғиб 
ташлашни тўхтатиш керак, камроқ турли хил суюқликлар ва сув ичиш тавсия 
этилади. 
Аралаш озиқлантириш 
«Шараф ва обрўйинг яна ҳам юқорилишини истасанг,
илми ҳикмат ўрганишдан ор-номус қилма» 
Аристотель
 
Агар она боласини кунига 7 марта эмизиш учун ўзининг кўкрак сутини 
етказа олмаса, унда аралаш озиқлантиришга ўтиш мумкин. Аммо она 
сутидан тўла воз кечиш мумкин эмас, чунки она сутида бола учун керакли 
бўлган қимматли элементлар ва ферментлар бор. Шунинг учун, сут етмаган 
тақдирда ҳам онанинг кам-камдан эмизиб туриши бола соғлиги учун жуда 
фойдали тадбир бўлади. Ундан ташқари, она сути бироз вақт ўтганидан сўнг 
яна кўпайиши мумкин. Бунга сабаб, тинч руҳий холат, вақтида дам олиш ва 
ухлаш, яхши овқатланиш, рационда сутни кўпайтирадиган турли хил 
сабзавот, мева ва озиқ-овқат маҳсулотларининг кўпайтирилиш бўлиши ҳам 
мумкин. Бундай она сути болани тўйдирмаган холатларда боланинг 
тўлақонли овқатланиши қўшимча озиқлантириш билан амалга оширилади. 
Бунинг учун маслахатчи врач ёки педиатрга учрашиб, сут етишмаётганини ва 
шунинг учун болага қанча миқдорда она сути ва қанча миқдорда суъний 
озуқалар берилиши мумкинлиги билиб олиш мумкин. Бола учун қандай 
турдаги қўшимча сунъий озуқалар мос келишини ҳам педиатр врач билан 
маслаҳатлашган холда аниқлаш мумкин. Балки болага оддий сигир сути ҳам 
кифоя қилар, аммо уни қанча ва қандай тартибда берилишини сизга педиатр 
врачингиз аниқ қўрсатиб ва тушунтириб бериши мумкин. Лекин болага 
аллергик равишда таъсир қилиб, унда диатезлар келтириб чиқарадиган 

---

Болтабоева Г.Р., Умарова Н. А. 
21 
сунъий озуқаларни ишлатишдан эҳтиёт бўлиш керак бўлади. Агар барча 
маслаҳатларга ва кўрсатмаларга риоя қилиб, болангизни қўшимча 
озиқлантирсангиз, у худди кўкрак сути берилиб эмизилган болалар каби 
соғлом ва нормал ривожланади.