Истайсизми? Болтабоева Гузал Равшановна

Бола 3 ойлик бўлганда 
Бола 3 ойлик бўлганида унинг овқатланиш режимига биринчи ўзгариш 
киритилади. Энди у каттароқ бўлиб қолгани учун уни суткасига 6 марта 
овқатлантириш ҳам мумкин. Яъни, 6:00 да, 9:30 да, 13:00 да, 16:30 да, 20:00 
да ва 23:30 да.
Бу ёшда болага творог ва сливки ҳам бериш мумкин. Бу 
махсулотларнинг кунлик нормасини боланинг 1 кГ оғирлигига нисбатан 
оқсилларга, ёғларга ва углеводларга бўлган талабига боғлиқ равишда 
педиатрдан сўраб, билиб олишингиз мумкин.
Ундан сўнг, боланинг овқатига сувда пиширилган тухумни ҳам қўшиш 
мумкин. Тухумнинг сариғи фосфорга, калийга, темирга бой бўлиб, унинг 

---

Болтабоева Г.Р., Умарова Н. А. 
17 
таркибида А, В
1
, В
2
, РР витаминлари бор. Унинг суткалик нормаси жуда кам 
бўлгани учун, битта тухум сариғининг ярмини олма пюресига ёки творогга 
қўшиб, уни она сути билан суюлтирилган холда болага берилади.
Бола 4 ойлик бўлганда 
Бола 4 ойлик бўлганида унга сабзавот пюресини ҳам бериш мумкин. 
Бунинг учун картошка, сабзи, карам, шолғом ва бошқа мевалар сувда 
қайнатилиб пиширилиб, қирғичдан ўтказилади ва ундан сўнг бу масса 
сабзавотнинг қайнатмаси билан суюлтирилади. Туз ва сариёғни эҳтиёткорлик 
билан, микродозаларда, жуда кам миқдорда қўшилади. Сабзавот пюресини 
тухум сариғи билан биргаликда ҳам бериш мумкин. Бундай сабзавот 
пюресининг биринчи порцияси ярим чой қошиғи миқдорида бўлиши керак. 
Бола беш ойлик бўлганида сабзавот пюресининг миқдори 100-120 граммгача 
оширилиши мумкин.
Агарда сабзавот пюреси билан озиқлантиришда болада аллергия 
белгилари пайдо бўлса, унда бунга сабаб пюре тайёрланаётганда 
ишлатилаётган сабзавотлардан бири бўлиши мумкин. Бу холда пюреда 
фақатгина картошка ва карамни қолдирингда, бир неча кун боладаги 
ўзгаришларни кузатинг. Кейин 3-4 кун оралиғида биттадан бошқа хил 
сабзавотларни пюре таркибига қўшинг. Агар болада аллерген пайдо бўлса, 
сиз шу заҳоти ўша сабзавот турини билиб оласиз ва уни боланинг озуқа 
рационидан олиб ташлайсиз.