Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

The main directions of development of labor market infrastructure 
Abstract. 
The article explores the main elements of the labor market infrastructure, development 
directions, the classification of state and non-state employment services, as well as their relationship and 
interdependence. 
Keywords:
labor market infrastructure, state and non-state employment services, personnel 
system, personnel agencies, labor legislation, effective employment. 
 
Kirish 
Mehnat bozori infratuzilmasi ish bilan bandlikni davlat tomonidan tartibga solishning muhim 
elementi hisoblanadi. Mehnat bozorida mehnat vositachiligi bilan shug‘ullanadigan tashkilotlar 
faoliyatining tajribalari shuni ko‘rsatadiki, u yoki bu bozor sub’ektlari o‘rtasidagi ishchi kuchiga talab va 
taklif bo‘yicha yuzaga keladigan munosabatlar samaradorligini oshirish uchun rivojlangan infratuzilma 
zarur. Ikkala tomonning manfaatlari muvofiqligi uchun davlat nomidan chiquvchi mustaqil tashqi tartibga 
soluvchi tuzilma kerak. Ko‘pchilik mamlakatlarda mehnat bozori sub’ektlari o‘rtasidagi munosabatlarni 
tartibga solishning asosiy tashkiliy shakli bo‘lib, davlat ish bilan bandlik xizmati hisoblanadi.
Mamlakatimizda ish bilan bandlik xizmatlarining rivojlanishi mehnat bozorida raqobat muhiti 
shakllanishining muhim vositasi hisoblanadi. Shunga ko‘ra, davlat va nodavlat ish bilan bandlik xizmatlari 
rivojlanishining xususiyatlari, usullari va ularning ishlash texnologiyasi, davlat va nodavlat ish bilan 
bandlik xizmatlari faoliyati samaradorligini baholash, ishchi kuchi sifat tarkibini takomillashtirish kabi 
masalalarga alohida e’tibor berilmoqda. O‘zbekiston Respublikasi Prezidenti Shavkat Mirziyoevning 
mustaqillikning yigirma sakkiz yilligiga bag‘ishlangan tantanali marosimdagi nutqida «... Aholi, ayniqsa, 
yoshlar va xotin-qizlarni ish bilan ta’minlash biz uchun eng dolzarb vazifa bo‘lib kelmoqda» deb [10] 
ta’kidlaganlar. Bu vazifalarni hal etishda mehnat bozori infratuzilmasi tashkilotlari faoliyatini rivojlantirish 
ular o‘rtasida o‘zaro samarali hamkorlikni ta’minlash, iqtisodiy rivojlanish bosqichlariga bog‘liq holda 
mehnat bozorida davlat va nodavlat ish bilan bandlik xizmatlarining o‘zaro munosabatlarining namoyon 
bo‘lish shakllarini tasniflash hamda ular faoliyatining shakllanishini muvofiqlashtirish asosida mehnat 

---