Ismlarning munosabat shakllari ismlar haqida

SIFATDOSH VA HARAKAT NOMLARIDAGI EGALIK QO‘SHIMCHALARI
Sifatdosh va harakat nomlari tarkibidagi egalik qo'shimchalari harakat bajaruvchisining shaxsi va sonini bildiradi. Shuning uchun qaratqich kelishigini olgan shaxs bildiruvchi so‘zning qo'llanilishiga ko‘pincha ehtiyoj bo'lmaydi. Masalan: Bo‘zchi bilganini to'qir, Baxshi bilganini o'qir. Boqqaning ikki echki, o'shqirganing yer tebratar. Bilganingni eldan ayama. O'qishlaring yaxshimi?

EGALIK QO'SHIMCHALI SO'ZLARNING IMLOSI
Terak, qishloq, bolalik singari ikki va ko'p bo'g'inli so'zlarga egalik qo'shimchasi qo'shilganda, asos qismning oxirgi k, q tovushi g va g' tarzida talaffuz qilinadi va shunday yoziladi.

Qorin, o'g'il, singil kabi ikkinchi bo'g'inida i unlisi ishtirok etgan so'zlarga egalik qo'shimchasi qo'shilganda ikkinchi bo'g'indagi i unlisi tushib qoladi va shunday yoziladi.

Bu, shu, obro,avzo kabi so'zlarga qo'shganimizda n va у tovushlari ortadi.

Nok, chok,zavq, o'q singari bir bo'g'inli, idrok, ishtirok,huquq singari ko'p bo'g'inli so'zlarga egalik qo'shimchalari qo'shilganda, asos qismda hech qanday o'zgarish bo'lmaydi.