Исломда мерос ва унинг тақсимоти

www.madrasa.uz
 
106 
5 билан уларнинг улушларининг сони 4 орасини касрсиз 
бўлиб бўлмайди ва иккови орасида табоюн бор. Ота бир 
сингилларнинг сони 5 ни масаланинг авл бўлган асли 7 га 
кўпайтирамиз. Ҳосил бўлган сон 35 масаланинг тасҳиҳидир. 
Аввалги масаланинг аслидаги эрнинг 3 та улушини ота бир 
сингилларнинг сони 5 га кўпайтирамиз. Ҳосил бўлган сон 15 
эрнинг 35 дан оладиган улушидир. Аввалги масаланинг 
аслидаги ота бир сингилларнинг 4 та улушини ота бир 
сингилларнинг сони 5 га кўпайтирамиз. Ҳосил бўлган сон 20 
ота бир сингилларнинг 35 дан оладиган улушларидир. Ҳар 
бир сингилга 4 тадан улуш. Тасҳиҳ тўғри бўлганини 
текшириш учун тасҳиҳ 35 дан ҳар бир меросхўрнинг улушини 
айириб чиқамиз: (35 – 15 – 20 = 0).
Яна бир муҳим мисол: бир аёл вафот топиб, ортидан 
эри, иккита ота бир ука ва учта ота бир сингил қолди. Эр ярим 
1/2 олади. Қолганини ота бир ука ва сингиллар асабалик 
жиҳатидан бир эркакка икки аёл улуши қоидасига мувофиқ 
бўлиб оладилар. Масаланинг асли 2. Эрга ярим 1/2, ота бир 
ука ва сингилларга қолган ярим 1/2. Ота бир икки ука ва учта 
сингилларга 1 та улушни касрсиз тақсимлаб бўлмайди. Агар 
уларнинг сонини эътиборга олиб масалани тасҳиҳ қилмоқчи 
бўлсак эркак ҳам, аёл ҳам бир ҳил улуш олиши керак бўлиб 
қолади. Шу сабабдан эркакларнинг ҳар бирини икки бош, 
аёлларнинг ҳар бирини бир бош деб тасаввур қиламиз. Зеро, 
бир эркак икки аёл улушини олиши керак. Энди бошлар сони 
еттитага етди. Бошлар сони 7 ни масаланинг аслига 2 га 
кўпайтирамиз. Ҳосил бўлган сон 14 масаланинг тасҳиҳидир. 
Аввалги масаладаги эрнинг улуши 1 ни бошлар сони 7 га 

---

www.madrasa.uz
 
107 
кўпайтирамиз. Эрнинг 14 дан оладиган улуши 7 бўлади. 
Қолган еттининг 4 таси икки укага, 3 таси 3 та сингилга.