Исломда мерос ва унинг тақсимоти

www.madrasa.uz
 
104 
масаланинг асли 12 дан 15 та улушга авл бўлади. Аммо 
олтита қизнинг улушлари бўлган 8 та улушни уларнинг 
орасида касрсиз бўлиб бўлмайди. Уларнинг улушлари 8 
билан сонлари 6 орасида 2 сонида тавофуқ бор. Қизларнинг 
сони 6 ни тавофуқ сон 2 га бўламиз. Сўнгра ҳосил бўлган 3 ни 
масаланинг авл бўлган асли 15 га кўпайтирамиз. Натижа 45 
сони бўлиб, мана шу сон масаланинг тасҳиҳидир. Сўнгра ҳар 
бир меросхўрнинг аввалги масаланинг аслидаги улушини, 
яъни 6 ни 2 га бўлганда ҳосил бўлган 3 га кўпайтириб 
чиқамиз. Ҳосил бўлган сон уларнинг 45 дан оладиган 
улушлари бўлади. Аввалги масаланинг аслидаги эрнинг 3 та 
улушини 6 ни 2 га бўлганда ҳосил бўлган 3 га кўпайтирамиз. 
Ҳосил бўлган сон 9 эрнинг 45 дан оладиган улушидир. 
Аввалги масаланинг аслидаги отанинг 2 та улушини 6 ни 2 га 
бўлганда ҳосил бўлган 3 га кўпайтирамиз. Ҳосил бўлган сон 6 
отанинг 45 дан оладиган улушидир. Аввалги масаланинг 
аслидаги онанинг 2 та улушини 6 ни 2 га бўлганда ҳосил 
бўлган 3 га кўпайтирамиз. Ҳосил бўлган сон 6 онанинг 45 дан 
оладиган улушидир. Аввалги масаланинг аслидаги олтита 
қизнинг 8 та улушини 6 ни 2 га бўлганда ҳосил бўлган 3 га 
кўпайтирамиз. Ҳосил бўлган сон 24 олтита қизнинг 45 дан 
оладиган улушидир. Шунда ҳар бир қиз 4 тадан улуш олади. 
Тасҳиҳ тўғри бўлганини текшириш учун тасҳиҳ қилинган 
масаланинг асли 45 дан ҳар бир меросхўрнинг улушини 
айириб чиқамиз: (45 – 9 – 6 – 6 – 24 = 0). Демак тасҳиҳ тўғри. 
3. Бир тоифа меросхўрларнинг улушлари масаланинг 
аслидан касрли ҳолатда ҳосил бўлади ва уларнинг улушлари 
ва уларнинг сони орасида табоюн бўлади. Бунда ҳам 
масаланинг асли авл бўладими ёки йўқми шунга қаралади. 

---

www.madrasa.uz
 
105 
Масаланинг асли авл бўлмаган тақсимотга мисол: бир 
аёл вафот этиб, ортидан эри, онасининг онаси ва учта она бир 
опаси қолди. Эрга ярим 1/2, онанинг онасига олтидан бир 1/6, 
учта она бир опага учдан бир 3/1. Аслида масаланинг асли 6. 
Аммо учдан бир 1/3 (2та улуш) олувчи учта она бир опаларга 
2 та улушни касрсиз бўлиб бўлмайди. Она бир опаларнинг 
сони 3 ва улушлари 2 орасида табоюн бор. Бундай ҳолатда 
она бир опаларнинг сони 3 ни масаланинг асли 6 га 
кўпайтирамиз. Ҳосил бўлган 18 сони масаланинг тасҳиҳидир. 
Сўнгра ҳар бир меросхўрнинг аввалги масаланинг аслидаги 
улушини она бир опаларнинг сони 3 га кўпайтириб чиқамиз. 
Аввалги масаланинг аслидаги эрнинг 3 та улушини она бир 
опаларнинг сони 3 га кўпайтирамиз. Ҳосил бўлган сон 9 
эрнинг 18 дан оладиган улушидир. Аввалги масаланинг 
аслидаги онанинг онасининг 1 та улушини она бир 
опаларнинг сони 3 га кўпайтирамиз. Ҳосил бўлган сон 3 
онанинг онасининг 18 дан оладиган улушидир. Аввалги 
масаланинг аслидаги учта она бир опаларнинг 2 та улушини 
она бир опаларнинг сони 3 га кўпайтирамиз. Ҳосил бўлган 
сон 6 она бир опаларнинг 18 дан оладиган улушидир. Шунда 
ҳар бир она бир опа 2 тадан улуш олади. Тасҳиҳ тўғри 
бўлганини текшириш учун тасҳиҳ 18 дан ҳар бир 
меросхўрнинг улушини айириб чиқамиз: (18 – 9 – 3 – 6 = 0). 
Демак тасҳиҳ тўғри бўлган. 
Масаланинг асли авл бўлган тақсимотга мисол: бир аёл 
вафот топиб, ортидан эри ва бешта ота бир сингил қолди. Эр 
ярим 1/2 олади. Бешта ота бир сингил учдан икки 2/3 олади. 
Масаланинг асли 6 дан 7 га авл бўлади. Эрга 3та улуш, бешта 
ота бир сингил 4 та улуш олади. Ота бир сингилларнинг сони 

---