Искусство — %мирим

Сәлем менен САЁРА, 2-апрель, 1969-жыл.


ФЕРҒАНАДАН СӘЛЕМ
Гүллеп өсип баратырған автономиялы республиканың, Жоқарғы Советиниң депутаты Айымхан апа Шамуратоваға жалынлы сәлем болсын!
Қымбатлы Айымхан апа! Сизиң 15-февраль (1971-ж.) күни телевизорда айтқан қосықларыңызды еситип жүдә қуўандым ҳәм сүйсиндим. Сиз бәлким, маған хат жазып отырған ким деп ойларсыз. Ҳүрметли Айымхан апа! Мен Ферғана ўәлаятының Алты-Арық районындағы промкомбинатта тигиўшилик цехының баслығы болып ислеймен. Сизди телевизордан көрген күнниң ертеңине-ақ цехқа барсам, барлық қызларымыз сиз ҳаққында, сизиң әжайып, жағымлы ҳаўазыңыз ҳаққында айтысып атыр екен. Мен де оларға қосылып, өз пикирлеримди ортаға салдым. Бизлердиң ҳәммемиз, сонда сизиң ҳаўазыңызды еситип, қуўанышқа бөленген едик. Илайым, бүлбил ҳаўазына усаған жағымлы даўысыңыз мудамы жаңлай берсин. Сиздей меҳрибан анамызға узақ-узақ өмир, ислериңизде тасқын-тасқын табыслар тилеймен. Мәртебеңиз және де бийиклей берсин. Бала-шағаларыңыз бенен саў-саламат, бахытлы жасай бергейсиз. Сизиң бахтияр, шийрин ҳаўазыңызды бизлер де жайнап есите бергеймиз. Бул нийетлерди ҳақ кеўили менен жазып отырған Халбекова Хайрихан болады, апажан. Маған айрықша сизиң атқарған «Қарақалпақстаным», «Яр қара көзлериң не тилер меннен» ҳәм т.б. қосықларыңыз унайды.
Айымхан апа! Ўақыт таўып жанлаған нама қосықларыңыз бенен бизлерди ҳәм бизлердей бир неше ҳаял-қызларымызды шын кеўилден қуўантсаңыз екен, деймен ҳәм өтинип сорайман. Сизге сәлем жоллаўшы, ҳаўазыңызға ынтық қызлар группасы:
1. Баслығымыз Абдуллаева Караматхан
2. Кабанова Женяхан
3. Халбекова Хайрихан (Сизге балалық меҳирлери менен хат жазғысы келетуғын 6 адамнан да көп-көп сәлем болсын, Айымхан апа!)
4. Сайфуллина Соняхан
5. Тәжибаева Розахан
6. Тәжибаева Лалахан
7. Сыдықова Турдыхан
8. Кулакова Хатшахан
9. Хамида ҳәм Мубаракханлар
Усы хатты алғаныңыздан кейин жуўап күтемиз, апажан. ?ақтыңыз болса бир жапырақ қағазыңызды тахатсызлық пенен сағына күтемиз. Хош, көрискенше, саў-саламат болыңыз, деп хат жазыўшы