Ishtirok etuvchilar

BESHINCHI SAHNA

Yana u erda. Maydonchaning olisraq tomoni. Arvoh va Hamlet kirib keladilar.

Hamlet

Meni qayga sudraysan? Nari bormayman.

Arvoh

Yur orqamdan.

Hamlet
Yuraman.
Arvoh
Vaqt kelib qoldi.
Do'zaxning olovida kuyadigan vaqt.
Meni unda qiynarlar.
Hamlet
Bechora arvoh!
Arvoh

Achinmagin, astoydil menga ishongin,

Va quloq os!

Hamlet
Vazifam — seni tinglamoq.
Arvoh
Hammasini eshitgach, qasos olgaysan.
Hamlet
Nima deding?
Arvoh

Otangning arvohiman men.

Bir muddatga kechalar daydib yurishga,
Kunduzlari do'zaxda kuymoqqa bandman.
Dunyodagi umrimda qilgan gunohlar
Kuyib daf bo'lmaguncha bu davom etar.
Haqim yo'qdir so'ylashga zindonim sirin,
Yo'qsa ochsam bu haqda senga qissamni
Har bir so'zdan qotardi vijdoning sening,
Qoning muzlar, ko'zlaring yulduzday o'ynar
Jingalak sochlaring-chi tekislanardi —
Va tikkayib turardi ngnalar kabi
Va lekin abadiyat shunday sadokim —
Dunyoviy quloqlarga yotmog'i mahol.
Sen otangni biron vaqt chin sezgan bo'lsang,
Meni tingla, xo'b tingla, tingla!...

Hamlet

E Rabbiy!

Arvoh

Meni ablah o'ldirgan. Qasosimni ol.

Hamlet
Uldirganmi?
Arvoh

Ha, shunday o'ldirishki, bu —

Har turli o'ldirishdan ming marta badtar.

Hamlet

Tezroq galir, toki men xayol kabi tez,

Qanotlanib fikrimning otashi bilan,
O’chga uchay.

Arvoh

Azmingni ko'rib turibman.

So'zlarimdan qonlaring jo'shga kelmasa —
So'yla-chi, kim bo'lardingg — kletazda ya'in -—
Unutilish daryosi loyida o'sgan —
Baqa to'ni bo'larding beburd va sassiq.
Endi, Hamlet, quloq sol, gap tarqaldiki —
Go'yo meni, bog'chada uxlaganimda

Ilon chaqib o'ldirgan. Daniya ahli

Bu soxta afsonaga aldanib ketdi.
Endi bilgin, ey mening olizot o'g'lim,
Ilon — otang qotili, — bugun bemalol —
Uning tojin kiyibdir.