Ishtirok etuvchilar

Gorasio

U imlaydi, siz bilan tanho qolmoqchi,

Yolg'iz sizga aytmoqchi bo'lgan gapi bor.

Marsell

Qarang, qanday mehribon undaydi sizni

Iiroqqa chaqiradi. Ammo siz bormang.

Gorasio

Siz mutlaqo bormangiz!

Hamlet

U bu erda indamas. Borishim lozim.

Gorasio

Bora ko'rmang, Shahzoda!

Hamlet

Nimadan qo'rqay?

Mening umrim bahosi ignacha emas.
Ruhim bo'lsa... Ruhimga updan xatar yo'q.
Chunki ruhim u kabi abadiy, o'lmas:
Yana meni imlaydi. Oldiga boray,

Gorasio

Xo'sh, bordi-yu u sizni bir suv labiga,

Yoki dengiz bo'yida mudhish qoyaga —
Imlab borib, nogahon jinga aylansa
Hushingizni olsa-yu, jinnki bo'lsangiz,
U topda ne qilasiz? Bir o'ylang shuni.
Bunisiz ham, har qanday oddiy paytlarda
U qoyadan haybatli dengizni ko'rgan
Kishilar yo'qotadi esin bir pasda.

Hamlet

Yana imlar. Boraver! Men ham kelaman!

Marsell
Yubormaymiz!
Hamlet
Tort qo'ling!
Gorasio
O'ylang! Kerakmas.
Hamlet

Yo'q, bu meni taqdirning o'zi chaqirar,

Tomirimga u quyar Arslon quvvatin.
Arvoh imlaydi.
Nuqul imlar, yo'l bering, afandilarim!
(O’rtalaridan chiqib ketmoqchi bo'ladi.)

Kim yo'l to'ssa, o'zini arvoh qilaman.

Qochipg, deyman — Sen jo'na, hozir kelaman.
Arvoh va Hamlet ketadilar.

Gorasio

Hozir o'zi jazava holatidadur.

Marsell

Yur boraylik. Bir o'zin qoldirib bo'lmas,

Gorasio

Kuzataylik. Ne bo'lur bu ishning keti?

Marsell

Daniya davlatiga bir balo yuqqan.

Gorasio

Parvardigor, o'zing bo'l bizga rahnamo.

Marsell

Yur!

Ketadilar.