Ishning umumiy tavsifi

Tadqiqot ishining maqsadi: Maktabgacha ta’lim tashkilotlarida “ Ilk qadam ” davlat o‘quv dasturi asosida rivojlantiruvchi muhitni tashkil etishning pedagogik tizimini ishlab chiqish
Tadqiqot ishining ob’ekti: maktabgacha ta’lim tashkilotlarining o‘quv ta’lim-tarbiyaviy ishlar jarayoni
Tadqiqot ishining predmeti: maktabgacha ta’lim tashkilotlari o‘quv ta’lim-tarbiyaviy ishlarni rejalashtirishning pedagogik tizimi
Tadqiqot ishining vazifalari :
-mavzuga oid pedagogik adabiyotlarni o‘rganish, tahlil qilish va umumlashtirish;
-muammoning nazariy va amaliyotdagi ahvolini o‘rganish hamda tahlil qilish;
-maktabgacha ta’lim tashkilotlarida o‘quv-tarbiyaviy ishlarni rejalashtirishning mazmuni va metodikasini ishlab chiqish ;
-maktabgacha ta’lim tashkilotlarida o‘quv-tarbiyaviy ishlarni rejalashtirish yuzasidan ilmiy -metodik tavsiyalar va qo‘llanmalar yaratish.
Tadqiqot ishining ilmiy yangiligi: maktabgacha ta’lim tashkilotlarida rivojlantiruvchi muhit bo‘yicha ishlar samarali kechadi.
-bolalarning yoshiga, imkoniyatlariga, qiziqishlariga mos ta’lim mazmuni rejalashtirilgan ;
-rivojlantiruvchi muhitni tashkil etishda zamonaviy yondashilsa,ta’limning interfaol usullaridan samarali foydalanilgan;
- ta’lim mazmuni ilmiy asoslangan, uning metodikasi amaliyotda sinab ko‘rilgan holda joriy etilgan;
- o‘quv-tarbiyaviy ishlar tuzilishida ilmiylik, uzviylik va sistemalilik tamoyillariga asoslanilgan.
Tadqiqot mavzusi bo‘yicha adabiyotlar sharhi: Rivojlanayotgan shaxsni pedagogik jihatdan qo‘llab-quvvatlashning zarurligi haqidagi fikrlar aksariyat pedagog va psixologlarning ishlarida bola qiziqishlarini himoyalashning nazariy-amaliy xususiyatlarini ochish tarzida aks ettirilgan. Jumladan, E.G‘oziev, A.Davletshin, R.Safarova, B.Adizov, I.P. Ivanov, SH.A. Amonashvili, A.V. Mudrik va boshqalar. Ayniqsa, O.S.Gazman, D.Yo‘ldoshevalar maqsadga qaratilgan pedagogik faoliyat doirasida mazkur muammoga alohida e’tibor qaratganlar.
Pedagogik qo‘llab-quvvatlash tushunchasi ostida tarbiyachi tarbiyalanuvchining jismoniy, ruhiy salomatligi, intellektual rivojlanishi, bir-birlariga nisbatan o‘zaro munosabatlari, atrof-muhitni anglashdagi yutuqlari va o‘ziga xos muammolarini hal qilishga qaratilgan oddiy, samimiy, tezkor, ogohlantiruvchi yordam tushuniladi.