+ишло+ хыжалик ишлаб чи+ариш фондлари ва

Лёсс ётқизиқлари-таркибида қум бўлмаган майда жинсли, юмшоқ қатлам.
Нураш-тоғ жинсларининг иқлим, сув ва организмлар таъсирида парчаланиши. Нураш физик, кимёвий ва биологик турларга бўлинади. Нураш натижасида аллювиал, делювиал, пролювиал, эллювиал, эол, лёсс ётқизиқлари ҳосил бўлади.
Паррандачилик-чорвачиликнинг сердаромад, тез етиладиган ва халқ хўжалигида катта аҳамиятга эга бўлган тармоғи. Ундан тухум, гўшт, парранда пати олинади. Парранда гўшти ва тухуми парҳез таом сифатида фойдаланилади. Паррандачилик икки асосий йўналиш-тухум ва гўшт паррандачилигидан иборат. Паррандачилик сўнгги ўн йилликларда саноат технологияси асосида ривожланмоқда. Паррандачилик фабрикалари йирик шаҳарлар, шаҳарлар агломерациялари ва саноат марказлари яқинида тўпланган.
Пиллачилик-чорвачиликнинг қадимий ва машҳур тармоқларидан бири. Пиллачилик ипак қурти боқиш ва унинг янги зотларини яратиш, пилладан мўл-ҳосил етиштиришни ўз ичига олади. Ипак қурти асосан тут барглари билан озиқлангани учун пиллачилик тараққиёти тутчилик билан узвий боғланган.
Полиз экинлари-меваси сершира, ширин таъмли, гўштдор бўлгани учун, озиқ-овқат сифатида янгилигида истеъмол қилинадиган экинлар(қовун, тарвуз, қовоқ ва хандалак). Ўрта Осиё аҳолиси қовун ва тарвузнинг дунёга машҳур навларини яратган. Айниқса, Хоразм қовунлари бу борада катта шуҳрат қозонган.
Пролювиал ётқизиқлар-сел оқимлари таъсирида ювиб олиб тушилган тоғ жинслари.
Сабзавотчилик-хилма-хил ботаник турларга кирадиган кўплаб маданий экинларни ўз ичига олувчи тармоқ. Уларнинг таркибида инсон организми учун зарур бўлган углеводлар, оқсиллар, мойлар, минерал тузлар, ферментлар ва кўпгина витаминлар мавжуд. Сабзавотларни кундалик истеъмолдан ташқари озиқ-овқат саноатидаги аҳамияти ҳам жуда юқори. Сабзавотлар янги ҳолатида, қуритилиб, консерва қилиниб, тузланиб ва бошқа усуллар ёрдамида ишлов берилиб истеъмол қилинади. Йирик шаҳарлар ва шаҳар агломерациялари атрофида, мева-консерва заводлари мавжуд бўлган ҳудудларда сабзавот экинларини етиштириш жуда яхши самара беради.
Табиий ресурслар-ер ости бойликлари, иқлим, ички сувлар, тупроқ ва ўсимликлар.