+ишло+ хыжалик ишлаб чи+ариш фондлари ва

Делювиал ётқизиқлар-тоғнинг юқори қисмида жойлашган қор ва ёмғир сувларининг юқоридан тоғ этакларига томон ҳаракатланиши натижасида тоғ жинсларининг ювилиб тушиши ва тоғ этакларида тўпланиши.
Ем-ҳашак экинлари-чорва моллари учун экиладиган ўсимликлар. Бу соҳа чорва моллари учун хилма-хил ва тўйимли озуқа етиштириб беради. Ем-ҳашак экинлари чорвачиликни ривожлантиришда ва озуқа базасини мустаҳкамлашда катта аҳамиятга эга.
Ер кадастри-муайян ҳудуддаги ер ресурсларини доимий кузатиб, ернинг табиий, иқтисодий ва ҳуқуқий ҳолати тўғрисида ишончли маълумотлар тўплашга ва шу асосда ерни сифат жиҳатдан баҳо бериш. Ер кадастри ердан фойдаланишни ва фойдаланиладиган ерларни ҳисобга олади, ерларни иқтисодий жиҳатдан баҳолайди ва уларнинг қишлоқ хўжалиги учун муҳим бўлган сифат кўрсаткичларини ифодалайди. Ер кадастри ер тузиш, қишлоқ хўжалигини режалаштириш, мелиорация ва солиқларни ҳисоблашнинг илмий негизидир.
Ерни иқтисодий баҳолаш-турли ер майдонларини бирини иккинчисига нисбатан бир ёки бир неча иқтисодий кўрсаткичлар бўйича нисбий баҳолаш.

Ер фонди-ягона ер фонди, барча ерларни улар кимнинг қарамоғида ва тасарруфида бўлишидан қатъи назар, ўз ичига олади. Ер фонди қишлоқ хўжалиги ерлари, махсус ерлар(саноат, транспорт ва бошқа ташкилотларнинг қишлоқ хўжалигидан бошқа мақсадларда фойдаланувчи ерлари), шаҳар ерлари, ўрмон фонди ва давлатнинг заҳира ерларига бўлинади.

Интенсив қишлоқ хўжалиги-қишлоқ хўжалиги унумдорлигини ошириш учун қўшимча маблағ ва меҳнат сарф қилиш асосида экин майдонлари ҳосилдорлиги ва чорва моллари маҳсулдорлигини ошириш ҳисобига кўп ҳосил ва кўп маҳсулот етиштириш.
Инфраструктура-қишлоқ хўжалиги ва саноат ишлаб чиқаришининг ҳудудий жойлашуви ва ривожланиши, шунингдек аҳоли фаолияти учун хизмат қиладиган хизмат кўрсатиш соҳалари комплекси.
Ирригация-қишлоқ хўжалиги экинларига сув таъминотини яхшилаш мақсадида ерларни суғориш, шунингдек ерларнинг шўрини ювиб(яхоб бериш).
Ишлаб чиқаришга тааллуқли фондлар-ишлаб чиқариш тармоқларида бевосита иштирок этидиган ва узоқ муддат фойдаланиладиган меҳнат воситалари. Унга бинолар, иншоотлар, машина ва асбоб-ускуналар, трактор воситалари, кўп йиллик дарахтлар, иш ва маҳсулдор чорва моллари киради.