Ishlabchiqarishda boshqaruv fakulteti «buxgalteriya hisobi va audit» kafedrasi

11-jadval

Xo‘jalik operatsiyalarini qayd qilish xronologik jurnali

T/r	Hujjat		Xo’jalik operatsiyasining mazmuni	Summa	Pravodka
	Raqami	Sanasi				Raqami
1	2	3	4	5	6	7
1	566		Mol yetkazib beruvchilar-dan materialla sotib olindi	80000	1010	6000
22	1225		Mol yetkazib beruvchilar-dan ehtiyot qismlar sotib olindi	40000	1040	6000
33	6478		Mol yetkazib beruvchilar-dan arzon baholi tez eskiruvchi buyumlar sotib olindi	60000	1080	6000

2. Joriy buxgalteriya hisobi ma’lumotlarini umumlashtirish. Iqtisodiy adabiyotlarda buxgalteriya hisobini tashkil qilishni ikki qismga bo‘lib ko‘rsatiladi: birinchi qism, joriy hisob, ikkinchi qism, moliyaviy hisobotlar tuzish.

Joriy hisobga odatda, sodir bo‘lgan xo‘jalik operatsiyalarini hujjatlashtirishdan toki buxgalteriya pravodkalarini schyotlarga yozib chiqish oralig‘ida amalga oshiriladigan ishlar kiritiladi. Xususan, xo‘jalik operatsiyalarini hujjatlashtirishga, buxgalteriya hisobi registrlariga va Bosh kitobga yozishga, sintetik va analitik schyotlarning hisobot davri oxiriga qoldiqlarini topishga joriy hisob, deb qaraladi. Shunga ko‘ra, korxonalar faoliyatida sodir bo‘ladigan xo‘jalik jarayonlarini hujjatlashtirish va ularni buxgalteriya hisobi schyotlarida qayd qilib borish joriy hisob, deb aytiladi.

Hisobot davri tugagandan keyin (yoki zaruriyat tug‘ilganda) korxonalar belgilangan tartibda moliyaviy hisobotlar tuzishadi. Buning uchun hisobot davrining oxirida barcha schyotlar bo‘yicha ma’lumotlar jamlab chiqiladi va ularning hisobot davri oxiriga qoldiqlari hisoblab topiladi. Bunday umumlashgan ma’lumotlaridan balans va moliyaviy hisobotlarni tuzishda, shuningdek, korxona faoliyati boshqaruviga taalluqli bo‘lgan qarorlar qabul qilishda foydalaniladi.

Qarorlar qabul qilish va hisobotlar tuzish uchun zarur bo‘lgan joriy hisob ma’lumotlarini to‘g‘riligiga ishonch hosil qilish uchun hisobot davrida foydalanilgan schyotlarning ma’lumotlari jamlab chiqilib qoldiqlari topiladi va schyotlarning umumlashgan ma’lumotlari asosida oborot qaydnomasi tuziladi. Shunga ko‘ra buxgalteriya hisobini tashkil qilishni uch qismga bo‘lish maqsadga muvofiq: joriy hisob, joriy hisob ma’lumotlarini jamlash (joriy hisob to‘g‘ri yurgizilganligini tekshirib ko‘rish maqsadida sintetik va analitik schyotlar bo‘yicha oborot qaydnomalari tuzish) va moliyaviy hisobotlarni tayyorlash va taqdim etish.