Ishlabchiqarishda boshqaruv fakulteti «buxgalteriya hisobi va audit» kafedrasi

2-Misol. “Toshmuhammadhoji” xususiy firmasi o‘z xodimlariga kassadan o‘tgan oy uchun ish haqi berdi – 45000 so‘m. Bu xo‘jalik operatsiyasi ta’sirida firma kassasidagi naqd pul miqdori va bir vaqtning o‘zida firmaning xodimlar oldidagi qarzi kamayadi. Bu operatsiyada ikkita schyot, ya’ni “Kassa” va “Mehnat to‘lovlari bo‘yicha xodimlar bilan hisob-kitoblar” schyoti ishtirok etgan. “Kassa” schyoti pul mablag‘larini harakatini aks ettirib, balansga nisbatan aktivdir. “Mehnat to‘lovlari bo‘yicha xodimlar bilan hisob-kitoblar” schyoti esa qarzdorlikni bildirib, balansga nisbatan passivdir. Demak, qoidaga binoan aktiv schyotlarda mablag‘larning kamayishi schyotning kredit tomonda, passiv schyotlarda esa, qarzning kamayishi debet tomonda ko‘rsatiladi. Ayni chog‘da 45000 so‘mga “Kassa” schyoti kreditlanadi va “Mehnat to‘lovlari bo‘yicha xodimlar bilan hisob-kitoblar” schyoti debetlanadi. Bu operatsiya quyidagi buxgalteriya pravodkasi bilan rasmiylashtiriladi:

D-t - “Mehnat to‘lovlari bo‘yicha xodimlar bilan hisob-kitoblar” – 45000 so‘m.

K-t- “Kassa” - 45000 ming so‘m.

Mazkur pravodka schyotlarda quyidagicha aks ettiriladi:

“Kassa”				“Mehnat to‘lovlari bo‘yi-cha xodimlar bilan hisob kitoblar”
Qoldiq					Qoldiq
	2) 45000		2) 45000