«Ишлаб чикариш жараёнлари хавфсизлиги» фанидан маърузалар матнлари

13 Маъруза
Ишлаб чиқаришда содир бўладиган жараёнлар хавфларини бахолаш, огохлантириш масаласи

Режа: Саноат корхоналарини тури, хусусияти. Бажариладиган жараёнлар хавфсизлигини таъминлаш. Жараён хавфсизлигига боғлиқ мухит, омиллар, кўрсаткичлар. Техник технологик воситалардан фойдаланиш, назорат.

Ўзбекистонда иқтисодиётимизни турли тармоқларида саноат корхоналари, хусусий мулкдорлар, акциядорлар, хорижий корхоналар фаолият юритиб зарур булган махсулотларни ишлаб чиқармоқда. Ўзкимёсаноат кампанияси, газ нефть карпорацияси озиқ овқат тайёрлаш бирлашмаси, концернлар ихтиёридаги корхоналар фаолияти мисол бўлади.
Иқтисодий ижтимоий ривожланишда 41 мингдан ортиқ саноат корхоналари, 5500 ортиқ қўшма корхоналар Ўзбекистонда ишлаяпти. 37 минг корхона фаолияти хавфли хисобланади ва у ерда 600 минг одам ишлайди. Саноат корхоналари қуввати, хажми, хавфлилиги, қўлланадиган хомашё ва олинадиган махсулот тури, қўлланилиши технологик воситаларни, замонавий услубларни тадбиқ қилиш, қурилиши, мухитга бўладиган таъсири бўйича фарқланади.
Айниқса кимё, нефть кимё, газ саноати корхоналарида жараён бажарилишида, хавфлар содир бўлишини эътиборга олиб соғлом мухит яратиш хавфсизликни таъминлашга эътиборни талаб қилади, чунки ишлаб чиқаришда инсон учун хавфли, захарли хисобланадиган турли агрегат холатида модда, материаллар қўлланади, қайта ишланади. Шунинг учун ишлаб чиқариш ва технологик жараёнларни хавфсизлигини таъминлашда соғлом мухит яратишда янги услубларни, воситаларни қўллаш, механизация, автоматизация воситаларидан фойдаланиш иситиш, қиздириш, совитиш, синтез, сақлаш, қайта ишлаш, босим қўллаш, таъмирлаш, назорат ишлари режали, регламент асосида бажарилиши талаб қилинади.
Шу жумладан саноат корхоналарида хавфсиз, соғлом мухит яратиш жараёнларни хавфсизлигини, одамлар мехнатини фаолиятини химоялаш, бахолаш, ишлаб чиқаришда ташкилий, техникавий, санитар гигиеник, рухий, физиологик, табиий, ижтимоий, маиший, омилларни хавфли ва зарарли ишлаб чиқариш кўрсаткичларини эътиборга олиниши керак бўлади.
Ўз навбатида ишлаб чиқаришда жараён бажарилиши учунтехнологик воситаларни қўллашга, назоратга боғлиқ технологик восита саноат тармоқлари тури бўйича махсус, асосий, шакллантирилган, қўшимча хисобланадиган воситалар туридан фойдаланилади, юқори харорат, паст харорат, босим, механик юк қўлланади.
Технологик воситалар хажми, баландлиги, шакли, тайёрланиши, қўлланилиши тармоқлар бўйича фарқланади, иссиққа, совуққа, босимга, юқори хароратга, коррозияга, ўтга, механик чидамлилигига, металл, қотишма, қўлланилиб тайёрланишига эътибор берилади. Воситалардан самарали фойдаланиш ва хавфсизликни таъминлаш мақсадида саноат корхоналарида Ўзбекистон геология, кон ишлари саноати назорати, ёнғин хавфсизлиги назорати, энергетика, экологик назорати олиб борилади.

Назорат саволлари

1. 
   Саноат корхоналари хақида тушунча
   
2. 
   Хавфсизлик тараққиёт учун талаб омиллари
   
3. 
   Ишлаб чиқаришда воситалардан фойдаланиш
   
4. 
   Корхоналарда соғлом, хавфсиз мухит яратиш