Ыщчыорова Фарангиз

Битирув малакавий ишнинг методологик асоси бўлиб, аввало Оила кодекси, «Соғлом авлод» давлат Дастури ҳамда Президентимиз И.А Каримовнинг маънавий ва ижтимоий ҳаётни эркинлаштириш, маънавий-маърифий ислоҳотларни чуқурлаштириш билан боғлиқ фикр ва ғоялари ҳамда Республика «Оила» илмй-амалий марказида «Она ва бола йили» давлат дастури доирасида ишлаб чиққан «ХХ1 аср оиласи» консепцияси ташкил қилади.
Республикамизда оила ва никоҳ масалаларига эътиборнинг катталигини ҳисобга олиб, кўпчилик тадқиқотчилар ўз илмий изланишларини ана шу муаммоларга бағишлаганлар. Ўзбекистон психологлари Ғ.Б.Шоумаров, В.М.Каримова, Э.Н.Сатторов, Н.А.Соғинов, Ф.Акрамова, Ё.Нўъмонова ва бошқаларнинг ўзбек оиласини тадқиқ этиш бўйича ишлаб чиққан назарий ёндашувлари ҳам хизмат қилди.


Битирув малакавий ишнинг мақсад ва вазифалари.
Оилавий қадриятлар, оилавий муносабатларни ёшлар тафаккурига сингдириш янги давр талабларидан бири бўлиб қолмоқда. Шунинг учун оилавий ҳаёт заминида юзага келадиган нохуш ҳодисаларнинг олдини олиш, оилалар бузилишининг олдини олиш ва нотўлиқ оилалар миқдорини камайтириш, уларда ҳар томонлама соғлом психологик иқлимни юзага келтириш борасида амалга ошириладиган ишларнинг самарадорлиги шу оилаларни юзага келтираётган ёшларнинг шахсига, уларнинг оилавий ҳаётларини мақсадга мувофиқ равишда ташкил этишга қай даражада тайёр эканликларига ва ёшларнинг психологик билимдонлигига боғлиқдир.
Шулардан келиб чиқиб, оилавий низоларнинг психологик сабабларини ўрганиш масаласи тадқиқотнинг асосий мақсади бўлиб хизмат қилади.
Тадқиқот мақсадини амалга ошириш учун уйидаги вазифалар белгиланди:

1. 
   Оилавий низоларнинг вужудга келишини таҳлил қилиш.
   
2. 
   Оилавий низоларни бартараф этиш йўлларини ўрганиш.
   
3. 
   Ёшларнинг оилавий ҳаёт ҳақидаги тасаввурларини ўрганиш.
   
4. 
   «Оилангизда низолар мавжудми?» методикаси орқали талаба ёшларнинг оилавий ҳаётини тадқиқ этиш.
   
5. 
   Олинган натижаларни таҳлил қилиш, умумлаштириш ва хулосалар чиқариш.