Integral, logarifm, korrelyatsiya, regressiya, matematik dasturlash, nazariy o ‘yin

010-сатр «Маҳсулот (товарлар, иш ва хизмат)ларни сотишдан тушган соф тушум»да АТВлар ёрдамида бажарилган иш (кўрсатилган хизмат)лардан тушган соф тушум акс эттирилади. Бу сатрни тўлғазишга асос бўлиб АТВлар ёрдамида бажарилган иш (кўрсатилган хизмат)лардан олинган даромадлар ҳисоби учун мўлжалланган 9030 счётнинг кредит обороти суммаси ҳисобланади. Ушбу кўрсаткич ҳисоботнинг «Даромадлар» устунчасида кўрсатилади.
020-сатр «Сотилган маҳсулот (товарлар, иш ва хизмат)ларнинг таннархи»да АТВлар ёрдамида бажарилган иш (кўрсатилган хизмат)ларнинг сотиш таннархи акс эттирилади. Бу сатрни тўлғазишга асос бўлиб АТВлар ёрдамида бажарилган иш (кўрсатилган хизмат)лар таннархи ҳисоби учун мўлжалланган 9130 счётнинг дебет обороти суммаси ҳисобланади. Ушбу кўрсаткич ҳисоботнинг «Харажатлар» устунчасида кўрсатилади.
030-сатр «Маҳсулот (товарлар, иш ва хизмат)ларни сотишнинг ялпи фойдаси (зарари)да ҳисоботнинг 010 ва 020-сатрларида кўрсатилган суммаларнинг фарқи ёзилади. Бунда, ижобий фарқ АТВлар ёрдамида бажарилган иш (кўрсатилган хизмат)лардан олинган фойдани кўрсатади ва у «Даромадлар» устунчасига ёзилади. Салбий фарқ эса АТВлар ёрдамида бажарилган иш (кўрсатилган хизмат)лардан кўрилган зарарни ифодалайди ва у ҳисоботнинг «Харажатлар» устунчасига ёзилади.
040-сатр «Давр харажатлари, жами»да автотранспорт корхонаси давр харажатларининг умумий суммаси кўрсатилади. Бу сатрда кўрсатилган сумма мос равишда 050- сатр «Сотиш харажатлари», 060-сатр «Маъмурий –бошқарув харажатлари», 070-сатр «Бошқа оператсион харажатлар» ва 080-сатр «Келгусида солиққа тортиладиган базадан чиқариладиган ҳисобот даври харажатлари»да кўрсатилган суммаларнинг йиғиндисига тенг бўлиши лозим. Ҳисоботнинг 050-080-сатрларини тўлдиришга давр харажатларини алоҳида турлари ҳисоби учун мўлжалланган мос равишдаги 9410 «Сотиш харажатлари», 9420 «Маъмурий-бошқарув харажатлари» 9430 «Бошқа оператсион харажатлар» 9440 «Келгусида солиққа тортиладиган базадан чиқариладиган ҳисобот даври харажатлари» счётларнинг дебет обороти суммалари асос бўлади. Давр харажатлари суммалари ҳисоботнинг «Харажатлар» устунчасида акс эттирилади.