Илмий тадқиқот асослари: 1000 саволга 1000 жавоб тошкент–2019

930 - САВОЛ: 
ТАКРОРЛАНАДИГАН ГУРУҲЛАР ДЕГАН-
ДА НИМАНИ ТУШУНАСИЗ? 
ЖАВОБ: Такрорланадиган гуруҳлар: маълумотлар омборидаги 
маълумотлар муаммо (масала)нинг қўйилишига ва ечимининг 
топилишига қараб гуруҳларга ажратилади ва бу гуруҳларнинг 
баъзиларидан муаммо ечимини охирига етгунча бир неча марта 
фойдаланишга тўғри келадиганни – бу такрорланувчи гуруҳлардир. 
КЎРСАТМА: Бундай ҳолларда ҳар қандай тадқиқотчидан 
маълумотлилик талаб қилинади. Бунга сабаб тадқиқотчи ўзидаги 
маълумотлилик орқали қуйидаги қобилиятларга эга бўлади: у 
ўзидаги шахсий ривожланиш даражаси орқали ўзига мос 
интеллектуал салоҳиятни таркиб топтира олади; у ўз тажрибасига 
таяниб эгаллаши лозим бўлган билим, кўникма ва малакаларни 
мужассам қила олади ва мавжуд мажмуадан амалий фаолиятда 
фойдалана олади; эгаллаган билимларини ривожлантириб, уларни 
янада такомиллаштириш қобилиятларига эга бўладилар ва ҳ.к. 
931 - САВОЛ: 
ТАРБИЯВИЙ ТЕХНОЛОГИЯНИНГ КОМП-
ЛЕКСЛИЛИК ХУСУСИЯТИ ҲАҚИДА ҚАН-
ДАЙ ФИКРГА ЭГАСИЗ? 
ЖАВОБ: Тарбиявий технологиянинг комплекслилик хусусияти 
– бунда қаралаётган технология жараёнининг барча элементлари 

---

581 
(ташкил этувчилари, омиллари, жиҳатлари)нинг ўзаро боғла-
нишларини мувофиқлаштиришни тақозо этади ва унинг мазмуни 
хилма-хиллиги ва кўп омиллиги ижтимоий - тарбиявий тех-
нологияларга комплекслилик хусусиятини бахш этади. 
КЎРСАТМА: Тарбияда изчиллик жуда муҳимдир. Таълим 
олувчиларга бирданига кўп талаб ва қоидаларни тақдим қилиш 
мумкин эмас. Ўқитувчилар таълим олувчиларга бўлган муносабат 
жараёнида ўзаро бир-бирига зид ҳаракатда бўлмасликлари, ягона 
талаб қўйилиши лозим. 
 
932 - САВОЛ: 
ТАРБИЯВИЙ ТЕХНОЛОГИЯНИНГ ИЕРАР-
ХИЯЛИК ХУСУСИЯТИ ДЕГАНДА ҚАНДАЙ 
ФИКРДАСИЗ? 
ЖАВОБ: Тарбиявий технологияларнинг иерархиялик хусусияти 
– бунда қаралаётган ижтимоий-тарбиявий технологияни амалга 
оширишда уни ташкил этувчиларини ўзаро боғлиқ ҳолда аниқ мақсад 
сари босқичма-босқич, яъни қатъий алгоритм асосида олиб бориш 
технологияси тушунилади ва ҳар бир қуйи босқичда қўлга 
киритилган натижа юқори босқич учун пропедивтик материал бўлиб 
ҳисобланиб борилаверади. 
КЎРСАТМА: Тарбиявий жараён инсонларнинг ривожланишини 
бошқариш ҳамда уларнинг шахсий хислатлари шаклланишига зарур 
шароитлар яратиб беради. Айрим ҳолларда тарбия билан 
ривожланиш ўртасидаги ўзаро боғлиқлик йўқдек туйилади, аслида 
улар ўртасида боғлиқлик жуда мураккаб ва аҳамиятлидир. Инсон 
шахси тарбия жараёнида ривожланиб камол топиб боради, 
ривожланиш даражаси унинг тарбиясига ижобий таъсир кўрсатади, 
яъни уларни ўзгартиради, шакллантиради.