Илмий тадқиқот асослари: 1000 саволга 1000 жавоб тошкент–2019

922 - САВОЛ: 
СУБЪЕКТ – БУ КИМ? 
ЖАВОБ: Субъект – бу юнонча сўз бўлиб, улар истеъмолда 
фойдаланилишига қараб турлича ифодаланади. Улардан 
биринчиси ташқи оламни (борлиқни) билишга ва ундаги ҳодиса 
ва жараёнларни ўрганишга интиладиган ва ўз ақлий фаолияти 
билан уларга таъсир кўрсата оладиган онгли одамлардир ва 
иккинчиси – муайян фаолият (жараёнда) қандайдир 
хусусиятларни ташувчи (етказувчи) одамдир. 
КЎРСАТМА: 1. Баркамол шахс тарбиясини миллий-
маънавий қадриятлар асосида узлуксиз равишда олиб бориш 
керак. 
2. Бўлажак мутахассисларни замонавий талаблар асосида 
тайёрлаётган айни пайтда баркамол шахс тарбияси тўғрисидаги 
билимларни ҳаётга жорий қилиш, уни ривожлантириш, тако-
миллаштиришда “Қадриятлар тизими”дан самарали фойдала-
нишни доимо эътиборга олиш керак. 

---

576 
923 - САВОЛ: 
СУҲБАТ МЕТОДИ ҲАҚИДА ҚАНДАЙ 
ФИКРДАСИЗ? 
ЖАВОБ: Суҳбат методи – бу тадқиқотнинг турли кўпгина 
босқичларида қўлланилади. Улар: дастлабки танишиш босқичида; 
таълим-тарбияни тўғри олиб борилаётганлигини ростлаб бориш 
мақсадида, оралиқ босқичларида, натижанинг тадқиқот объектига 
нисбатан аҳамиятини аниқлашда ва шу соҳа бўйича тавсия ишлаб 
чиқишда, охирги босқичда ҳам, айниқса, кузатиш методи орқали 
қўлга киритилган хулосаларни аниқлашда ва шу кабилар. 
КЎРСАТМА: 1. Суҳбат методидан самарали фойдаланиш 
ижобий педагогик самараларга эришишни кафолатлайди. 
2. Суҳбат методи билан иш кўришда суҳбат, баҳс усулидан 
фойдаланишни асосий мақсад қилиб олиши керак. Бунга сабаб 
суҳбат, баҳс – ўқиш ва ўқитишнинг диалогик, савол-жавоб 
усулидан иборатдир. Булар таълим олувчиларни сермаҳсул 
фаолият кўрсатишларини таъминловчи, таълимга муҳокама 
қилувчи ва ривожлантирувчи тус берувчи дарс бериш 
усулларидир.