Амалий машғулотлар Қадимгидавр
Афинада қулдорлик демократияси. Юнон-форс урушлари. Пуни урушлар. Рим салтанати маданиятиЎрта асрлар даври
Христиан черкови. Патриархал қуллик. Варвар қиролликларнинг тузилиши. Буюк Карл салтанати. Муқаддас Рим салтанати. Ўрта аср шаҳарлари. Салб юришлар. Сиёсий бирлашиш жараёни. Буюк жуғрофий кашфиётлар. Черковни ислоҳат килиш даври.
Янги тарих даври
XVII аср ўрталарида халқаро вазият. Оливер Кромвель протекторати. 1787 йил АҚШ конституцияси. Францияда Директория даври. Францияда 1830 йил Июль монархияси. Европада 1848-1849 йил инқилоби. XIX асрнинг 50-60-чи йилларида Франция. Германиянинг бирлашиши. АҚШда фуқаролар уруши. Франция-Германия уруши. Париж Коммунаси. Монополияларнинг тузилиши. XIX аср охири – XX аср бошида Ғарбий Европа мамлакатлари. XIX аср охири – XX аср бошида Шарқий Европа мамлакатлари. XIX аср охири – XX аср бошида АКШ. Биринчи жаҳон уруши йилларида Антанта давлатлари. нг янги тарих даври
Ғарбий Европа мамлакатлари урушдан кейинги йилларда. Шарқий Европа мамлакатлари урушдан кейинги йилларда. Россия урушдан кейинги йилларда. Европа мамлакатлари ва АҚШ иқтисодий инқироз даврида. 30-чи йилларда халқаро вазият. Иккинчи жаҳон уруши. Европа мамлакатлари 1945-1990 йилларда. АҚШ 1945-1990 йилларда. Совет Иттифоқи 1945-1990 йилларда. Дунё ХХ аср охирида.
Мустақилш
Иқтисодий ривожланиш. Иосип Броз Тито ва Сталин. Совет Иттифоқи ва Югославия ўртасидаги келишмовчиликлар сабаби. «Ўз ўзини бошкариш социализми» тамоиллари. Сепаратик харакатларнинг ўсиши. Иқтисодий инқироз сабаблари. Югославиянинг парчаланиши.
Биринчи Жаҳон Урушининг Германия Германия ва унинг иттифоқчилари Биринчи жаҳон урушида мағлубиятга учради. Германия урушда 2 млн. дан ортиқ қурбон берди. Ярадор бўлганлар, асирлар ва бедарак йўқолганларни қўшганда, жами йўқотиш 7,5 млн. кишини ташкил этди. Айни пайтда ҳукмрон доиралар, монополия эгалари урушдан жуда катта фойда кўрдилар. (Масалан, биргина Крупп консернининг даромади 15 баравар ортди). Натижада йирик мулкдорлар мамлакат ҳаётида қудратли ижтимоий, иқтисодий, сиёсий кучга айландилар ва ҳукумат сиёсатига катта таъсир кўрсата бошладилар.
Уруш меҳнаткаш табақаларга катта салбий оқибатлар келтирди. Умумий меҳнат мажбурияти ишчилар учун амалда каторгага тэнг эди. Уруш қишлоқ хўжалигига ҳам катта талафотлар келтирди. 1918-йилнинг кузига келганда экин майдонлари амалда 2 баравар камайган эди. Очлик, эпидемиялар ва чўзилиб кетган уруш азоблари аҳолининг бошига жуда катта кулфатлар келтирди. Аҳолининг бундай қисмати мамлакатда инқилобий вазиятни вужудга келтирди. Айни пайтда Россия инқилоби ҳам ўз таъсирини ўтказмай қолмади.
Германия инқилоби 1918-йил 3-ноябр куни бошланди. Шу куни Кил шаҳрида жойлашган ҳарбий дэнгизчилар уруш давом этишига қарши қўзғолон кўтардилар. Кил ишчилари эса қўзғолонни қўллаб-қувватладилар ва умумий иш ташлаш эълон қилдилар. Шаҳарда ишчилар ва солдатлар Со-ветлари ташкил этилди. Инқилоб тўлқини 9-ноябрда Берлингача етиб келди ва у бутун Германияга ёйилди. Қўрқиб кетган император Вилгелм ИИ мамлакатдан қочиб кетди. Шу тариқа Германияда монархия қулади. Мамлакатда ҳокимият халқ вакиллари Совети қўлига ўтди.
10-ноябрда тузилган янги ҳукуматга Германия социал-демократик партиясининг йирик арбобларидан бири — Ф. Эберт раҳбарлик қилган. Бу ҳукумат Германияни Республика деб эълон қилди ва у 11-ноябр куни Антанта билан дастлабки яраш битими имзолади. Бу битимнинг имзоланиши янги ҳукуматнинг халқаро майдонда тан олиниши дэгани эди. Унга кўра, мамлакатда қамал ҳолати бекор қилинди, сўз, йиғилиш ўтказиш, уюшмаларга бирлашиш эркинлиги эълон қилинди. Шунингдек, сиёсий маҳбусларга амнистия эълон қилинди. Биринчи марта умумий, тэнг, тўғридан-тўғри, яширин овоз бериш йўли билан сайлов ўтказиш жорий этилди.
Айни пайтда ҳукумат демобилизация қилинган солдатларни, ишсизларни иш билан таъминлаш ва ижтимоий ҳимоя қилиш тадбирларни кўра бошлади. 15-ноябрда Касаба уюшмалари билан иш берувчилар ўртасида келишувга эришилди. Унга кўра, Касаба уюшмалари, уларнинг жамоавий шартнома тузиш ва корхоналарда ишчи назоратини олиб борувчи қўмиталар туза олиш ҳуқуқлари тан олинди. Бундан ташқари, ҳукумат энг йирик корхоналарни давлат ихтиёрига ўтказа олиш ҳуқуқига эга бўлди. Шунингдек, ҳукумат Конституцияни ишлаб чиқиш учун Таъсис йиғилиши чақиришга ваъда берди. Буларнинг бари Германия меҳнаткашларининг катта ижтимоий ютуқлари эди.
