Ikki yoki bir necha shaxsning fuqarolik huquqlari va burchlarini

368-modda. Ofertaning chaqirib olinmasligi
Qabul qiluvchi taraf olgan oferta uni akseptlash uchun belgilab
qo‘yilgan muddat mobaynida chaqirib olinishi mumkin emas, basharti
boshqacha tartib ofertaning o‘zida shart qilib qo‘yilgan bo‘lmasa
yoki taklifning mohiyatidan yoxud u yo‘llangan paytdagi vaziyatdan
anglashilmasa.
1. FKning 365-moddasiga muvofiq oferta yo‘llagan shaxs uning
akseptini olgan paytda shartnoma tuzilgan hisoblanadi. FKning
367-moddasiga muvofiq oferta uni yo‘llagan shaxsni oferta
yo‘llangan shaxs bilan u ofertani olgan paytdan boshlab bog‘laydi.
Ushbu qoidalardan kelib chiqib, sharhlanayotgan moddada qabul qilib
olgan shaxs tomonidan olingan oferta uning o‘zida akseptlash
uchun belgilab qo‘yilgan muddat mobaynida yoki qonunda belgilab
qo‘yilgan ana shunday muddat ichida chaqirib olinishi mumkin
emasligi to‘g‘risidagi qoida belgilab qo‘yilgan.
Ayni paytda oferta chaqirib olinmasligi to‘g‘risidagi me’yor
dispozitiv bo‘lib hisoblanadi. Ofertani faqat aksept muddati
tugaguncha chaqirib olinishi mumkinligi ofertaning o‘zida
belgilab qo‘yilgan bo‘lsa, taklifning mohiyatidan ofertani chaqirib
olish mumkinligi ayon bo‘lib tursa yoki taklif kiritilgan vaziyat
ofertaning chaqirib olish imkonini bersagina chaqirib olinishi
mumkin. Vaziyat bilan bog‘liq chaqirib olinishiga ofertaning
qo‘rqitish, zo‘rlik, aldov tufayli amalga oshirilganligini kiritish
mumkin. Bunday holda oferta bir tomonlama bitim sifatida
FKning 123-moddasiga muvofiq sud qarori bilan haqiqiy emas deb
topilishi mumkin.
2. Shunga ham e’tibor berish zarurki, sharhlanayotgan moddaning
me’yorlari faqat uni akseptlash uchun muddat belgilab qo‘yilgan
ofertalar uchun tegishlidir. Bundan tashqari, agar oferta
yo‘llangan shaxs tomonidan hali olinmagan bo‘lsa, uning chaqirib
olinmasligi to‘g‘risida gapirish uchun asosning o‘zi ham yo‘qdir.
FK 367-moddasining 4-qismiga ko‘ra, agar ofertani chaqirib olish
to‘g‘risidagi bildirish ofertaning o‘zidan oldin yoki u bilan bir
vaqtda kelgan bo‘lsa, oferta olinmagan hisoblanadi.