Ijtimoiy siyosat

2.4. Ijtimoiy siyosat va so„l partiyalarning ijtimoiy
siyosat sohasidagi qarashlari 
Ijtimoiy siyosatni tasniflashda uning ob‘ektlari va sub‘ektlari 
o‗rtasidagi o‗zaro munosabatlar tizimidan foydalaniladi. Bunda ijtimoiy 
siyosat amal qilishiga ko‗ra aktiv va passiv turlarga ajratiladi. 
Davlat ijtimoiy siyosatni olib borishda ustuvor yo‗nalishlarni 
belgilab oladi.Ustuvor yo‗nalishlar dasturlari amalga oshirilishi zarur 
bo‗lgan chora-tadbirlarni bajarilish muddati va zimmasiga javobgarlik 
majburiyati yuklatilgan tashkilot va mansabdor shaxslar ro‗yxatini o‗z 
ichiga oladi. 
Ijtimoiy siyosatni tahlil qilish jarayonida ijtimoiy xavfsizlikka 
to‗xtalib o‗tish maqsadga muvofiqdir. Ijtimoiy xavfsizlik tizimi tarkibiga 
quyidagi yo‗nalishlar kiradi: 
- global va mintaqaviy xavfsizlik: milliy manfaatlar, jamiyat 
xavfsizligi va strategik barqarorlik; 
- jamiyat xavfsizligi: ijtimoiy-iqtisodiy, milliy-madaniy, ekologik, 
informatsion-texnologik va boshqalar; 
- shaxsiy xavfsizlikni ta‘minlash; 
- favqulodda vaziyatlarda xavfsizlikni ta‘minlash. 
Ijtimoiy xavfsizlik shaxsiy va jamiyat manfaatlaridan kelib chiqqan 
holda inson ehtiyojlarining qondirilishini anglatadi. Insonni moddiy va 
ma‘naviy jihatdan to‗liq ta‘minlanishi orqali ijtimoiy xavfsizlikka 
erishiladi. Ijtimoiy xavfsizlik quyidagi ko‗rsatkichlarni o‗z ichiga oladi: 
- aholi jon boshiga to‗g‗ri keladigan real daromadlar hajmi; 
- tovar va xizmatlarni iste‘mol qilish darajasi; 
- tovar va xizmatlarning narxlari darajasi; 
- aholini turar uy-joy bilan ta‘minlanishi; 
- ta‘lim, tibbiyot, madaniy xizmatlardan foydalanish imkoniyatlari, 
ekologik xavfsizlik va boshqalar. 
Ijtimoiy ish ijtimoiy siyosatning tarkibiy elementi hisoblanadi. 
Ijtimoiy ishning maqsadi kishilarda o‗z hayotlari mobaynida vujudga 
keladigan ijtimoiy muammolarini mustaqil tarzda hal etishga oid 
ko‗nikmalarni shakllantirishga o‗rgatishdan iborat. 

---

37 
Ijtimoiy yo‗naltirilgan bozor iqtisodiyotiga o‗tish sharoitida ijtimoiy 
ish quyidagi vazifalarni o‗z zimmasiga oladi: 
- ijtimoiy muammolarni hal etishda kishilarda mustaqil harakat 
qilish ko‗nikmalarini shakllantirish; 
- kishilarni yangi jamiyatda amal qilayotgan muhitga moslashtirish 
(adaptatsiya) va qayta moslashtirish; 
- aholi o‗rtasidagi turli ijtimoiy munosabatlarni tartibga solish orqali 
insonning tinch va farovon hayot kechirishi uchun shart-sharoitlar 
yaratish. Bunda kishilar o‗rtasidagi o‗zaro hurmat, o‗ziga bo‗lgan 
ishonchni shakllantirish nazarda tutiladi. 
Ijtimoiy davlat 
Ijtimoiy siyosat 
Ijtimoiy xavfsizlik 
Ijtimoiy ish