«ijtimoiy fanlar va jismoniy madaniyat» kafedrasi

Muammoli ma’ruzada o‘qituvchi talabani o‘quv jarayoniga jalb etishga muammoli vaziyatlar, muammoli masalalar orqali erishadi. Bunda qanday bilimlar o‘zlashtirilishi va qanday masalalarni yechish lozimligi belgilanadi, so‘ng uni yechishga kerakli, talaba uchun noaniq bilimlar izohlanadi. An’anaviy o‘qitishda esa oldin o‘zlashtiriladigan bilimlar keltiriladi, keyin misollar va ularning yechimlari beriladi.

Muammoli o‘qitish jarayonida talabalar e’tiborini jalb qilish vaziyatlarining komponentlari quyidagilardan iborat: bilish ob’ekti (ma’ruza matni), bilish sub’ekti (talaba), sub’ektning ob’ekt bilan tafakkuriy o‘zaro harakatlari jarayoni va bu harakatlarning xususiyatlari.

Muammoli o‘qitishda yangi bilim bo‘lib o‘qituvchi axboroti hisoblanadi. Bunda u ma’ruzani shunday tashkil qiladiki, talabalarda yangi bilimlarni o‘zlashtirish bo‘yicha savollar tug‘iladi. Muammoli o‘qitish jarayonida talaba va o‘qituvchi o‘rtasidagi o‘zaro aloqa dialog usulida olib borilishi maqsadga muvofiqdir, shuningdek, ma’ruza jarayonida muammoli, ma’lumotnomali savollar qo‘yilib kerakli natijalarga erishish mumkin. Buesa pedagogika fanini o‘qitishda talabalarning bilish jarayonini faollashtirishga imkon beradi.