«ijtimoiy fanlar va jismoniy madaniyat» kafedrasi

1	O’QUV MATERIALLARI………………………………...
2	MA’RUZA MASHG’ULOTLARI…………………………
2	AMALIY MASHG’ULOTLAR……………………………
3	MUSTAQIL TA’LIM MASHG’ULOTLARI……………
4	ADABIYOTLAR RO’YXATI……………..........................
5	GLOSSARIY……………………………………………….
6	ILOVALAR…………………………………………………
7	FAN DASTURI……………………………………………..
8	ISHCHI O’QUV DASTURI……………………………….
9	TARQATMA MATERIALLAR………………………….
10	NAZORAT SAVOLLARI………………………………….

MA’RUZA MASHG’ULOTLARI

1-Mavzu: «Ta’lim to‘g‘risida»gi Qonunning va «Kadrlar tayyorlash milliy dasturi»ni amalga tadbiq etishda “Maxsus fanlarni o’qitish metodikasi” fanining mazmuni, predmeti va metodi

Reja:

1. O’zbekistonda ta’limi islohotlari.

2. MFO’M faninig predmeti, maqsad va vazifalari.

3. MFO’Mning ilmiy-tadqiqot metodlari.
Mavzuga oid tayanch so‘zlar:soha,mutaxassislik, o‘quv reja, ixtisoslik, injener-pedagog, texnikum, ta’lim islohotlari, ta’lim sohalari, metodik seminar, o‘quv yili, magistratura, o‘quv tarbiya jarayoni, ob’ekt, predmet, bilim, ko‘nikma, malaka, metod, pedagogik kuzatish, suhbat, tajriba, so‘rovnoma, bakalavr.
O‘zbekiston Respublikasi inson huquqlari va erkinliklariga rioya etilishini, jamiyatning ma’naviy yangilanishini, ijtimoiy yo‘naltirilgan bozor iqtisodiyotini shakllantirishni, jahon hamjamiyatiga qo‘shilishni ta’minlaydigan demokratik huquqiy davlat va ochiq fuqarolik jamiyati ta’lim tizimini tubdan o‘zgartirishga sabab bo‘ldi.

O‘zbekiston Respublikasi Oliy Majlisining birinchi chaqiriq IX sessiyasida «Ta’lim to‘g‘risida»gi Qonunning va «Kadrlar tayyorlash milliy dasturi»ni qabul qilinishi, jahon ta’limi standartlariga javob beruvchi yangi o‘quv reja va dasturlari hamda darsliklari asosida yuqori malakali mutaxassislar tayyorlash ta’lim sohasini tubdan isloh qilishga olib keldi.

Kadrlar tayyorlash milliy dasturini amalga oshirilishi juda muhim ahamiyatga egadir. Unda qo‘yilgan masalalardan biri ta’lim jarayoniga hozirgi talab asosida yangi pedagogik texnologiyalarni joriy etishdir.

Mustaqil O‘zbekiston Respublikasining hozirgi davrdagi rivojlanishi, yangilanishi, kelajakda qanday bo‘lishi, yosh avlodning har tomonlama yetukligiga, ya’ni ularni qay darajada barkamol shaxs sifatida tarkib topishlariga, o‘zlarida ijodiy fazilatlarni mujassamlashtirgan shaxs bo‘lib yetishganligiga bog‘liqdir.

Zamonaviy hayotni bugun ilm-maʼrifat va taʼlimning taraqqiyotisiz tasavvur etib boʻlmaydi, insoniyat fan oʻqi atrofida aylanayotgandek goʻyo. Jahonning yetakchi davlatlarida taʼlimni rivojlantirish birinchi galdagi vazifa sifatida belgilanishi ham bejiz emas. Negaki, mamlakatning kelgusi ravnaqi aynan shu sohada qoʻlga kiritgan yutuqlari bilan chambarchas bogʻliqdir.

Bugungi kunda universitetlarning taʼlim berish faoliyati yana-da takomillashtirilib, xalqimizning asrlar davomida shakllangan ilm sari intilish fazilati yana bir bor namoyon boʻlmoqda. Yoshlarimiz sogʻlom hamda goʻzal turmush kechirish, egallagan kasbi boʻyicha doimiy ish oʻrniga ega boʻlish, masʼuliyatni oʻz zimmasiga olish, insoniy qadr-qimmatini kamsitishga yoʻl qoʻymaslik, qisqacha aytganda, komillikka erishish uchun harakat qilyapti va bu jarayonda taʼlim olishni eng asosiy shart sifatida koʻrmoqda.

Mamlakatimizda 2019-yilning oktyabrida Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasi qabul qilindi. Ushbu hujjatga intellektual taraqqiyotni jadallashtirish, raqobatbardosh kadrlar tayyorlash, ilmiy va innovatsion faoliyatni samarali tashkil etish hamda xalqaro hamkorlikni mustahkamlash maqsadida fan, taʼlim va ishlab chiqarish integratsiyasini rivojlantirish singari vazifalar asos qilib olindi. Konsepsiya mazmuni mamlakatimiz oliy taʼlim tizimini isloh qilishning ustuvor yoʻnalishlarini aks ettiradi. Unda oliy oʻquv yurtlarida qamrov darajasini kengaytirish hamda taʼlim sifatini oshirish, raqamli texnologiyalar va taʼlim platformalarini joriy etish, yoshlarni ilmiy faoliyatga jalb qilish, innovatsion tuzilmalarni shakllantirish, ilmiy tadqiqotlar natijalarini tijoratlashtirish, xalqaro eʼtirofga erishish hamda boshqa koʻplab aniq yoʻnalishlar belgilab berilgan. Bularning barchasi taʼlim jarayonini yangi sifat bosqichiga koʻtarish uchun xizmat qiladi.

Prezident Shavkat Mirziyoyevning Oʻqituvchi va murabbiylar kuniga bagʻishlangan tantanali marosimdagi daʼvatkor nutqi ham ana shundan dalolat beradi. Davlatimiz rahbari taʼkidlaganidek, biz keng koʻlamli demokratik oʻzgarishlar, jumladan, taʼlim islohotlari orqali Oʻzbekistonda yangi Uygʻonish davri, yaʼni uchinchi Renessans poydevorini yaratishni oʻzimizga asosiy maqsad qilib belgiladik.