«ijtimoiy fanlar va jismoniy madaniyat» kafedrasi

O‘qitishda o’quvchilarning ongliligi va faolligi - bu tamoyil o‘qitishni shunday tashkil etishni nazarda tutadiki, bunda o’quvchilar ilmiy bilimlarni hamda ularni amalda qo‘llash metodlarini ongli va faol egallab oladigan, ularda ijodiy tashabbuskorlik va o‘quv faoliyatida mustaqillik, tafakkur, nutq rivojlanadigan bo‘lsin.

O‘qitishdagi onglilik tamoyili o’quvchilarning o‘z o‘quv ishlarining konkret maqsadlarini aniq tushunishini, o‘rganilayotgan fakt, hodisa, jarayonlarni va ular o‘rtasidagi bog‘lanishni tushungan holda o‘zlashtirib olishini, olingan bilimlarni amaliy faoliyatda qo‘llay bilishini bildiradi.

O’quvchilarning faolligi ularning nazariy materialni egallab olishida va sinfda, laboratoriyada, ustaxona hamda ishlab chiqarish sharoitlarida o‘quv mehnat topshiriqlarini bajarishda namoyon bo‘ladi. Faollik o’quvchilarning o‘quv va mehnat faoliyatidagi mustaqilligini rivojlantirish bilan mustahkam bog‘langan.