«ijtimoiy fanlar va jismoniy madaniyat» kafedrasi

O’quvchilarning individual imkoniyatlarini hisobga olish -har bir o’quvchi o‘zining individual (jismoniy, psixik va b.) xususiyatlariga egaki, bu uning o‘quv faoliyatiga katta ta’sir etadi. Pedagogning bu xususiyatlarni o‘rganishi va hisobga olishi o‘qitish sifatini oshirish va har bir o’quvchining ijobiy qobiliyatlarini rivojlantirish uchun sharoit yaratadi.

O’quvchining xususiyatlarini bunday o‘rganish uzoq vaqt mobaynida olib boriladi. Pedagog o’quvchilarning darslardagi va ishlab chiqarish ta’limi vaqtida ustaxonalardagi ishini, uy vazifalarini bajarishini kuzatadi, ularning bilimi, yozma ishlari va tayyorlagan buyumlarini tekshiradi, maslahatlarda va darsdan tashqari vaqtlarda ular bilan suhbatlashadi. O’quvchining kuchli va ojiz tomonini bilib olishga, uning qiziqishlari, tafakkuri, nutqi, xotirasi, diqqati, xayoliga xos bo‘lgan xususiyatlarni o‘rganishga, uning xarakteri va irodaviy sifatlarini yaxshi bilib olishga harakat qiladi, o’quvchilarning hayotiy va mehnat tajribalarini, ularning kollejga kelishdan oldingi faoliyati xususiyatlarini o‘rganadi.