«ijtimoiy fanlar va jismoniy madaniyat» kafedrasi

O‘qitishning tarbiyalovchi xarakteri – o‘qitish va tarbiyalash jarayonlari uzviy bir-biriga bog‘liq bo‘ladi. O‘qitish bilim berish vazifalarini hal qilish bilan birga o’quvchilarga juda katta tarbiyaviy ta’sir ham ko‘rsatadi. U o’quvchilarning bilish imkoniyatlarini va ijodiy qobiliyatlarini rivojlantirishga, ularning o‘quv va mehnat faoliyatidagi aktivligi va mustaqilligini, bilimga qiziqishini oshirishga yordam beradi.

Biroq o‘qitish jarayonidagi tarbiya stixiyali ravishda amalga oshirilmaydi. Uning maqsadi, mazmuni, g‘oyaviy yo‘nalishi va o’quvchilarga ta’sir etish samaradorligi bir qator shartlarga bog‘liq bo‘lib, ulardan asosiylari: o‘rganilayotgan fanning mazmuni, o‘quv mashg‘ulotlarining tashkil etilishi va metodikasi hamda bu mashg‘ulotlarni o‘tkazayotgan pedagogning shaxsidir.

O‘quv mashg‘ulotlarining to‘g‘ri tashkil etilishi va ularni o‘tkazish metodikasi o’quvchilarga juda katta tarbiyaviy ta’sir ko‘rsatadi. Mashg‘ulotlarda o’quvchilarning bilim, ko‘nikma va malakalarni egallashga doir individual ishlari ham, bu ishlarning guruhli ko‘rinishlari ham qo‘llaniladi.

Ta’lim tarbiya jarayonining mahsulligini oshirish maqsadida tarbiyaviy yo‘nalishning ustuvorligini ta’minlash asosiy mezon hisoblanadi.

Tarbiya orqaligina inson o‘z shaxsini yetib anglaydi. O‘z-o‘zini anglagan kishigina o‘z qobiliyatlari va imkoniyatini bilgan holda ehtiyojini shakllantirish zaruratini vujudga keltiradi.