«Ижтимоий педагогика»

IX.Болалар ва ўсмирларни ижобий (позитив) ижтимоий марказлар, ташкилотлар (спорт, маданий хордик чиқариш, туристик, театр ва бошқ.)да қатнашишга жалб этиш.
Бундай марказлар кўпинча катта шахарларда ташкил этилади. Улар одатда ижтимоий нодавлат еки тижорат холида бўлади. Уларга ёшлар ўқишдан кейин жалб қилиниб, соғлом қизиқишлар тарғиб этилади. Марказга турли тоифадаги, шу жумладан, феъл-атвори четга оғувчи ёшлар ҳам тортилади. Аммо, тижорат мақсадида ташкил этилган марказларда болалар ва ўсмирларнинг ўзига хос хусусиятлари ҳисобга олиниши тарбиясига мос келадиган тадбирлар ташкил этилиши эҳтимол узоқдир.


X. Ўз-ўзини тарбиялашни, ўзидаги салбий сифатлар ва одатларни тузатиш ва бартараф этиш буйича мустақил фаолиятини фаоллаштириш, ёш ўсмирга ўзи устида ишлашида ёрдам бериши.
Ёшларни ўз-ўзини тарбиялашларини фаоллаштириш, фақатгина оиланинг иши бўлибгина қолмасдан, балки умумтаълим муассасаларининг, ижтимоий педагогларнинг, педагогик коррекцияси билан шуғулланувчи ихтисослаштирилган марказларнинг педагогик жиҳатдан реабилитациялаш, қайта тарбиялаш ва тузатиш каби муассасаларнинг ҳам кундалик иши бўлмоғи лозим. Ижтимоий педагогика объекти ўз устида мақсадли равишда ишлашга жалб этиш, ўша шахс тарбияланаётган муассасадаги педагогик муҳитнинг ижобийлигидан дарак беради. Девиант шахс билан иш олиб борувчи тарбияси ўсмирни ўз устида ишлаб, камчилик ва феъл-атвордаги қусурларни мустақил тузатишга ишонтира олса, ижтимоий тарбия объекти энди ўз-ўзини такомиллаштириш субъектига айланади.
Одамнинг ўзидаги салбий хулқ-атвор кўринишларини йўқотиш мақсадида ўзини ўзи тарбиялай бошлашида энг муҳими - у ўзига танкидий рухда бўлиши, ўз хатти-харакатларини ўйлаб кўриб, тахлил этишида , ўз-ўзини билиш, ўзини бошқара билиш, ўз устида мақсадли тарзда ишлай билиш методикасидан хабардор бўлишидадир. Бунда, айниқса киши қалтис вазиятларда бошқа одамлар билан ўзаро харакатда бўлган холда ўзини бошқара билиши, ўзига буйруқ бера олишидадир.


V боб.
Ақлий жиҳатдан қолоқ ва етим болаларни реабилитациялаш муаммолари