«Ижтимоий педагогика»

II.Болалар ва ўсмирларнинг девиант феъл-атворларини олдини олиш ва бартараф этишда умумтаълим муассасаларининг тарбиявий ролини ошириш.
Мактабда махсус тайёрланган педагоглар ишламоғи керак. Педагогик фаолиятда йўл қўйиладиган хатолар тарбия ишида қимматга тушиши мумкин. Умумтаълим муассасида бола яна бир тарбиячи – тарбиячилар жамоаси билан тўқнаш келади. У турли гуруҳларга киради ва уларнинг таъсирини ўзида сезади. Ўқитувчи, тарбиячи тарбияланувчига бевосита таъсир қилиш имкониятига эга бўлибгина қолмасдан, балки бевосита, яъни ўзи ўқиётган фани, синф жамоаси, ўртоқлари ва микрогуруҳ орқали ҳам таъсир ўтказади.
Умумтаълим муассасасининг тарбиявий ролини ошириш йўллари қуйидагилардир:

• 
  ўқитувчи, тарбиячилар тайёрлашнинг сифатини ошириш, уларда юқори педагогик маданиятни шакллантириш;
  
• 
  умумтаълим муассасаси шароитида педагогик фаолият учун энг қулай шарт-шароитларни яратиш;
  
• 
  Ўқитувчлар таркиби ўз-ўзини такомиллаштиришга интилиши, ўзининг педагогик маҳоратини тинмай ошириб бориши;
  
• 
  Умумтаълим муассасаларида девиант феъл-атворли болалар ва ўсмирлар билан индивидуал иш олиб бориш мақсадида ижтимоий хизмат кўрсатишни йўлга қўйиш, улар ўқитувчилар ва ота-оналарга девиант бола билан яккама – якка иш олиб борганда ёрдам беради.
  
• 
  Умумтаълим муассасалари шароитида ўқишдан ташқари болалар ва ўсмирлар билан тарбиявий ишларни олиб бориш тизимини яратиш.
  

III. Оила ва мактаб ўртасидаги мақсадга мувофиқ ўзаро алоқани ривожлантириш.
Бу девиант болалар ва ўсмирлар феъл-авторини олдини олиш ва бартарф этиш учун оила, мактаб ва маъмурий органлар ўртасида йўлга қўйилади. Оила ва мактабнинг ўзаро яқин алоқаси, бирлиги болалар ва ўсмирларга тарбиявий таъсир ўтказишни янада кўчайтиради, шу сабабли:

• 
  ота-оналар учун мактаб кошида методик семинарларни (ота-оналар лекторийлари, семинарлари) ташкил этиш;
  
• 
  ота-оналар кумиталари ролини ошириш, ота-оналар ва ўқитувчилар ўртасида алоқани кўчайтириш;
  
• 
  васийлик қилувчи ота-оналар ташкилотларини тузиш;
  
• 
  ота-оналарни синфда, мактабда ўтказиладиган тадбирларга фаол қатнашишларини таъминлаш;
  
• 
  ўқитувчилар томонидан боланинг уйига бориб, ўқиш, дам олиш шароити билан танишишларини йўлга қўйиш ва бошқа шу каби тадбирлар жуда катта аҳамиятга эгадир.