«Ижтимоий педагогика»

Диндорларни қайта тарбиялашнинг ўзига хос хусусиятлари.
Жазо муддатини ўташ жойларига худога ишонувчи (диндор) кишиларнинг бир қисми ҳам келади. Иккинчи томондан, жазо муддатини ўтаётган кишиларнинг бир қисми ҳам атроф муҳит шароитининг таъсири остида диндор бўлиб қолади. Бундай тоифадаги кишилар билан қайта тарбиялаш ишларини олиб боришда улар томонидан диний расм-русмларни адо этишларига имконият яратиб бериш мақсадга мувофиқдир. Шундай қилинса ҳар бир фуқаронинг ҳуқуқи ҳимоя қилинган ҳам бўлади. Дин арбобларининг бундай махсус муассасаларга келиб махбуслар ўртасида хизмат қилишларидан фаол фойдаланиш, умуман, махбусларнинг дин пешволари билан яқиндан мулоқатда бўлишлари уларни қайта тарбиялаш муаммосини ҳал этишда катта ёрдам беради. Жазо муддатини ўтаб бўлиб озодликка чиққан баъзи кишилар қалтис вазиятга тушиб қолганларида, албатта, диний муассасаларга (мачит, черков ва бошқ.) бориб маслаҳат сўрашади ва вақтинча адаптациялашув имкониятига эга бўлишади. Ушбу фактнинг муҳимлиги яна шундаки, ҳозирча жазо ҳукмини ўтаб озодликка чиққан кишиларни турар жойларида давлат ҳамда ижтимоий адаптациялаштириш муассасаларининг сони етарлича эмас.
Пенитенциар муассасаларда олиб бориладиган таълимий-тарбиявий ишларнинг қисқача асосий шакл ва услублари ҳақидаги маълумотлар ана шулардан иборат бўлиб, махсус муассаса маъмурияти ва ижтимоий педагоглар, тарбиячилар уларни ўз ишларида доимо ҳисобга олмоқлари даркор.
VI боб.
Ижтимоий педагог таълим тизимида


14—МАВЗУ:
ИЖТИМОИЙ ПЕДАГОГНИНГ ПЕДАГОГИК МАДАНИЯТИ
Режа:

1. 
   «Педагогик маданият» тушунчасининг пайдо бўлиши ва унинг моҳияти.
   
2. 
   Педагогик маданиятнинг ички ва ташқи тузилиш таркиби.
   
3. 
   Ижтимоий педагогик маданиятнинг касбий маҳорат билан ўзаро боғлиқлиги, мутахассис фаолиятида тутган ўрни ва роли.
   
4. 
   Ижтимоий соҳа мутахассиси педагогик маданияти ва педагогик махоратининг таркибий қисмларининг асосий мазмуни.
   
5. 
   Ижтимоий педагог фаолиятининг индивидуал усули.
   
6. 
   Педагогик маданиятнинг ташқи кўриниш шакллари ҳамда педагогик маданият даражалари.
   
7. 
   Ижтимоий соҳа мутахассиси педагогик маданиятини шакллантириш йўллари