Ii bob. Mamlakatimizda madaniy turizmni rivojlanish istiqbollari

2.1.1-rasm. Turoperatorlar sonining 2017-2020 yillar davomida o’sih grafigi.

Turistik xizmatlarni diversifikatsiya qilish va yangi turistik marshrutlarni yaratish, jumladan: mamlakat barcha hududining turistik imkoniyatini o’rganish va turistik mahsulot, marshrutlarni shakllantirish, aholi uchun turlar va ekskursiyalar o’tkazish bo’yicha chora-tadbirlar kompleksini amalga oshirish, ichki marshrutlar bo’yicha yangi aviilovalar ochish, marketing tadqiqotlarini o’tkazish asosida hududiy va xalqaro yo’nalishlar bo’yicha charter reyslarini tashkil etish maqsadida yangi turistik marshrutlarni yaratish, madaniy turizmning zamonaviy turlarini rivojlantirish, ularning jozibadorligini kuchaytirishga oid islohotlarni yanada takomillashtirish bo’yicha tadbirlar Harakatlar strategiyasidan joy egallagani turistik xizmatlar ko’rsatuvchi sub’ektlarning imkoniyatlarini yanada kengaytiradi.

Turistik xizmatlar hajmini oshirish ko’p jihatdan arxeologik yodgorliklarga ham bog’liq. O’zbekistonda tarixiy-madaniy, me’moriy, arxeologik jihatdan qiziqarli bo’lgan 7,0 mingdan ortiq ob’ekt bor. Ana shular xorijliklarni ohanrabodek o’ziga tortadi. Tadqiqotchi B. To’raevning ta’kidlashicha, “arxeologik yodgorliklardan 545 me’morchilik, 575 tarixiy, 1457 san’at yodgorliklari, 5500 dan ortiq ob’ekt arxeologik jihatdan qadrli hisoblanadi. Lekin turistik talabga ulardan atigi 140 tasi jalb qilingan. Yuqorida sanab o’tilgan ob’ektlardan 200 tadan ortiqrog’i ta’mirlanmoqda, 500 tasi ta’mirtalab. Ularga har yili katta miqdorda mablag’ sarflash lozim bo’ladi. Boshqa mamlakatlarning tajribasi shuni ko’rsatadiki, ko’plab turistlar uchun o’sha ta’mirlash jarayonining o’zi ham qiziqarli [6,22]. Bunday chora-tadbirlarni amalga oshirish madaniy turizmning o’ziga xos tomonlarini ko’rsatib beradi jumladan, turistlar uchun xizmat ko’rsatish darajasi va sifatini baholash mumkin bo’lsa ham, hech qanday o’lchovlar bilan baholab bo’lmaydigan “samaralar” taassurot, ma’naviy ozuqa, qoniqish, estetik zavq-shavq kabilar o’ziga xos ahamiyat kasb etadi Shu o’rinda tadqiqotda respublikamizda madaniy turizmning rivojlanish ko’rsatkichlari tahlili amalga oshirildi.