Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Захирадаги чиқиш йўллари тушунчаси.

/9; 11; 14;15/
Захирадаги эвакуация чиқиш йўли тушунчаси. Захирадаги эвакуация чиқиш йўли тушунчаси. Эвакуация чиқиш йўлларининг меъёрий ҳужжатлар талаб этадиган сони.
ЁХҚ-01-97 меъёрий ҳужжатига асосан захира чиқиш йўлларига қўйиладиган талаблари:
1.3.3.1. Захира чиқиш йўллари сони, кенглиги, узунлиги, ёритиш шартлари ва тутундан ҳимоялаш шароитлари қурилиш лойиҳа меъёр талабларига жавоб бериши керак.
1.3.3.2. Барча захира чиқиш эшиклар бинодан чиқиш томонига осон очилиши керак. Хоналарда одамлар бор вақтларида эшиклар ичкари томонидан енгил очиладиган қилиб қулфланиши мумкин.
1.3.3.2 Тақиқланади:

• 
  зинапоя майдончаларини, зинапояларни, йўлакларни, лифт холларини кенглигини ҳар хил мебел, шкаф, ускуна ва бошқалар билан тўсиб қўйиш ҳамда чиқиш эшикларини михлаб ташлаш;
  
• 
  хоналарда чиқиш жойларида (даҳлизларда) ҳар хил кийим қуритиш жойлари, гардероб ва бошқалар қуриш (шахсий турар жойлардан ташқари) ҳамда ҳар хил нарсаларни, материалларни сақлаш;
  
• 
  чиқиш йўлларда турникетлар, суриладиган, айланадиган эшиклар ўрнатиш ва бошқа турдаги инсонларнинг хонани ёки бинони эркин ҳолда тарк этишларига халақит берадиган мосламалар ўрнатиш;
  
• 
  захира чиқиш йўллари (оловга чидамлилиги V-даражали бўлган бинолардан ташқари) деворлари шифт ва полларига ёнувчи қурилиш материаллари билан ишлов бериш бўёқлаш ҳамда зина ва зинапояларни ёнувчи қурилиш материалларидан қуриш ёки ишлов бериш;
  
• 
  йўлак, холл, даҳлиз, ва зинапояларда ўрнатилган ўзи ёпиладиган эшикларни очиқ ҳолатда ушлаш (агарда ёнғин вақтида автоматик ҳолда ёпилиш мосламаси ўрнатилмаган бўлса) ва уларни олиб қўйиш;
  
• 
  тутундан ҳимояланган зинапояларда ҳаво пурковчи мосламаларни ойнаклаш ёки ёпиш;
  
• 
  эшик ва дарчаларга ўрнатилган симли ойналарни оддий ойналарга алмаштириш.
  

1.3.3.4. Кўргазмали технологик ёки бошқа ускуналарни хонага ўрнатганда захира чиқиш йўллари лойиҳа меъёри талабларига жавоб бериши керак.
1.3.3.5. Аҳоли кўплаб тўпланадиган бинолар хизматчилари электр энергияси ўчиб қолганида фойдаланишлари учун электр фонарлар билан таъминланган бўлишлари керак. Корхонада ишловчи ходимлар сони раҳбар томонидан белгиланади бунда навбатчи хизматчиларнинг сони корхонанинг ўзига хослигидан келиб чиққан ҳолда олинади. Фонар сони ҳар бир навбатчи хизматчига биттадан кам бўлмаслиги керак.
1.3.3.6. Аҳоли кўп йиғиладиган биноларга тўшалган гилам, пояндозлар полга маҳкам қотирилган бўлиши керак.

33.